കോയമ്ബത്തൂർ: വാല്‍പാറയില്‍ കാട്ടാന ആക്രമണത്തില്‍ വിദേശയാത്രികന് ദാരുണാന്ത്യം. ജർമൻ സ്വദേശിയായ മൈക്കിള്‍ (76) ആണ് മരിച്ചത്.ചൊവ്വാഴ്ച വൈകുന്നേരം 6.30ന് വാല്‍പാറ റേഞ്ച് ഹൈവേയില്‍ ടൈഗർ വാലിയിലായിരുന്നു സംഭവം. വനമേഖലയില്‍ നിന്നെത്തിയ കാട്ടാന റോഡ് കുറുകെ കടക്കുന്നതിനാല്‍ ഇരുവശത്തും വാഹനങ്ങള്‍ നിർത്തിയിട്ടിരുന്നു.
Advertisements
ബൈക്കില്‍ എത്തിയ മൈക്കിള്‍ വനപാലകരുടെ നിർദേശം അവഗണിച്ചു മുന്നോട്ടു പോവുകയായിരുന്നു. കാട്ടാന റോഡ് കുറുകെ കടക്കാൻ ശ്രമിക്കുന്നതിനിടെയില്‍ പിന്നിലെത്തിയ ബൈക്കിന്റെ ശബ്ദം കേട്ടു പരിഭ്രാന്തിയിലായെന്നും പിന്തിരിഞ്ഞ് ബൈക്ക് കൊമ്ബില്‍ കോർത്ത് എറിയുകയായിരുന്നെന്നും വനംവകുപ്പ് ഉദ്യോഗസ്ഥർ പറഞ്ഞു.