കോട്ടയം: ജില്ലയിൽ 8 പോലീസ് ഉദ്യോഗസ്ഥർക്ക് സംസ്ഥാന പോലീസ് മേധാവിയുടെ ബാഡ്ജ് ഓഫ് ഓണർ പുരസ്കാരം. തിരുവനന്തപുരത്ത് വച്ച് നടന്ന ചടങ്ങിൽ സംസ്ഥാന പോലീസ് മേധാവി ഷെയ്ഖ് ദർവേഷ് സാഹിബ് പുരസ്കാരങ്ങൾ വിതരണം ചെയ്തു.
ചിങ്ങവനത്തെ സ്വകാര്യ പണമിടപാടു സ്ഥാപനത്തിൽ നിന്നും നാലു കിലോ സ്വർണ്ണവും 8 ലക്ഷം രൂപയും കവർന്ന കേസിലെ പ്രതികളെ പിടിച്ച അന്വേഷണ മികവിനാണ് അംഗീകാരം. കോട്ടയം അഡീഷണൽ എസ് പി എ.കെ വിശ്വനാഥൻ , ചിങ്ങവനം പോലീസ് ഇൻസ്പെക്ടർ വി എസ് അനിൽകുമാർ , ചിങ്ങവനം പോലീസ് ഇൻസ്പെക്ടർ ആയിരുന്ന ഇപ്പോൾ വാടനാപ്പള്ളി പോലീസ് ഇൻസ്പെക്ടർ ബിനു എസ് , കോട്ടയം വെസ്റ്റ് പോലീസ് സ്റ്റേഷൻ അസിസ്റ്റന്റ് സബ് ഇൻസ്പെക്ടർ പി സി സന്തോഷ് ചങ്ങനാശ്ശേരി പോലീസ് സ്റ്റേഷൻ സീനിയർ സിവിൽ പൊലീസ് ഓഫിസർ തോമസ് സ്റ്റാൻലി ,,കോട്ടയം സ്പെഷ്യൽ ബ്രാഞ്ച് സീനിയർ സിവിൽ പോലീസ് ഓഫീസർ ശ്യാം എസ് നായർ ,, ചങ്ങനാശ്ശേരി ട്രാഫിക് സിവിൽ പോലീസ് ഓഫീസർ എം എ നിയാസ് ,
കോട്ടയം ക്രൈം ബ്രാഞ്ച് സിവിൽ പോലീസ് ഓഫീസർ പി എ സന്തോഷ് കുമാർ എന്നിവർക്കാണ് 2023 വർഷത്തെ പ്രവർത്തന മികവിനുള്ള പുരസ്കാരം.2023 ഓഗസ്റ്റ് മാസത്തിലാണ് ചിങ്ങവനത്തെ സ്വകാര്യ പണമിടപാടു സ്ഥാപനത്തിൽ നിന്നും ഒന്നേകാൽ കോടിയോളം രൂപായുടെ സ്വർണ്ണവും എട്ടു ലക്ഷം രൂപയും മോഷണം പോയത്. വ്യാജ നമ്പർ പ്ളേറ്റു ഫിറ്റ് ചെയ്ത വാഹനത്തിൽ എത്തിയ പ്രതികൾ മോഷണത്തിനു ശേഷം സി സി ടി വി യുടെ ഡി വി ആർ ഉൾപ്പെടെയുള്ള തെളിവുകളെല്ലാം നശിപ്പിച്ചിരുന്നു. പോലീസിന് ഏറെ വെല്ലുവിളി ഉയർത്തിയ കേസിലെ പ്രതികളായ , കലഞ്ഞൂർ നിരത്തുപാറ പുന്നക്കുടി പുത്തൻവീട് ഫൈസൽ രാജ്, കലഞ്ഞൂർ നിരത്തുപാറ അനീഷ് ഭവനിൽ അനീഷ് ആന്റണി, എന്നിവരെയാണ് പിടികൂടിയത്.
കോട്ടയം ജില്ലയിൽ 8 പോലീസ് ഉദ്യോഗസ്ഥർക്ക് സംസ്ഥാന പോലീസ് മേധാവിയുടെ ബാഡ്ജ് ഓഫ് ഓണർ പുരസ്കാരം
Advertisements