കോട്ടയം വൈക്കം വച്ചൂരിൽ മുക്കുപണ്ടം പണയം വച്ച് പണം തട്ടി; കേസിലെ പ്രതിയായ യുവാവ് അറസ്റ്റിൽ

വൈക്കം: മുക്കുപ്പണ്ടം പണയം വെച്ച് പണം തട്ടിയ കേസിലെ പ്രതി അറസ്റ്റിൽ. വെച്ചൂർ വില്ലേജിൽ അംബികാമാർക്കറ്റ് ൽ വെച്ചൂർ പഞ്ചായത്ത് ഓഫിസിന് സമീപം സനു വിലാസം വീട്ടിൽ സനുലാൽ. എസ് (35) ആണ് വൈക്കം പോലീസിന്റെ പിടിയിലായത്.

അംബികാമാർക്കറ്റ് ഭാഗത്തുളള ശ്രീരാഗ് ജനറൽ ഫിനാൻസ് ലിമിറ്റഡ് എന്ന സ്ഥാപനത്തിൽ പ്രതി 8.01 ഗ്രം തുക്കം വരുന്ന ഒരു വളയും ആഗസ്റ്റ് മൂന്നിനു തീയതി 39.45 ഗ്രാം തൂക്ക് വരുന്ന 5 വളകളും ഉൾപ്പടെ 6 മുക്ക് പണ്ടം വളകൾ പണയം വെച്ച് 266500/ രുപ വാങ്ങിയെടുത്ത ശേഷം പണം തിരികെ അടച്ച് പണയം തിരികെ എടുക്കാത്തതിൽ സംശയം തോന്നിയതിനെത്തുടർന്ന് സ്ഥാപനത്തിൽ നിന്നും വൈക്കം പോലീസിൽ പരാതിപ്പെടുകയായിരുന്നു.

പരാതിയിൽ കേസെടുത്ത് അന്വേഷണം നടത്തിയ പോലീസ് വെച്ചൂർ ഭാഗത്ത് വച്ച് കണ്ടെത്തിയ പ്രതി സനു ലാലിനെ അറസ്റ്റ് ചെയ്യുകയായിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.