കൊച്ചി : എംഎസ്സി എല്സ-3 കപ്പല് മുങ്ങിയതിനെ തുടർന്നുണ്ടായ പരിസ്ഥിതിനാശത്തിന് 1262.6 കോടിയുടെ നഷ്ടപരിഹാരം നല്കാൻ ഹൈക്കോടതി ഉത്തരവിട്ടു. സർക്കാർ അഡ്മിറാലിറ്റി സ്യൂട്ട് ഫയല് ചെയ്തതിനെ തുടർന്ന് വിഴിഞ്ഞത്ത് എത്തിയ കപ്പല് അറസ്റ്റ് ചെയ്യാനും ഉത്തരവിട്ടിരുന്നു.സംസ്ഥാന സർക്കാർ ഫയല് ചെയ്ത അഡ്മിറാലിറ്റി സ്യൂട്ടിലാണ് ജസ്റ്റിസ് എം.എ. അബ്ദുല് ഹക്കീമിന്റെ ഉത്തരവ്.
മുങ്ങിയ കപ്പലില്നിന്ന് എണ്ണ ചോരുകയും കണ്ടെയ്നറുകളിലെ രാസ വസ്തുക്കളടക്കം സമുദ്രത്തില് കലരുകയും ചെയ്തത് മൂലം പരിസ്ഥിതി, സാമ്ബത്തിക മേഖലകളിലുണ്ടായ നഷ്ടം കണക്കിലെടുത്താണ് ഉത്തരവ്. 9531 കോടി രൂപയുടെ ഉയർന്ന നഷ്ടപരിഹാരത്തിന് അർഹതയുണ്ടെന്നായിരുന്നു സർക്കാർ വാദം. എന്നാല്, സർക്കാർ ആവശ്യപ്പെടുന്ന തുക യാഥാർത്ഥ്യത്തിന് നിരക്കുന്നതല്ലെന്ന വാദമാണ് കപ്പല് കമ്ബനി ഉന്നയിച്ചത്. അപകടം നടന്നിട്ടുള്ളത് സംസ്ഥാന സമുദ്രാതിർത്തിയില്നിന്ന് 14.5 നോട്ടിക്കല് മൈല് അകലെയായതിനാല് കേരള സർക്കാരിന് അഡ്മിറാലിറ്റി സ്യൂട്ട് നല്കാൻ അധികാരമില്ലെന്നും അവർ വാദിച്ചിരുന്നു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
മേയ് 24-നാണ് കൊച്ചി തീരത്തിന് സമീപം ലൈബീരിയന് ചരക്കുകപ്പലായ എംഎസ്സി എല്സ-3 കപ്പല് മുങ്ങി അപകടമുണ്ടാകുന്നത്. വിഴിഞ്ഞം തുറമുഖത്തുനിന്ന് പുറപ്പെട്ട കപ്പല് കൊച്ചി തീരത്തുനിന്ന് 38 നോട്ടിക്കല് മൈല് തെക്ക് പടിഞ്ഞാറുവെച്ചാണ് അപകടത്തില്പ്പെട്ടത്. ചെരിവ് നിവര്ത്താനുള്ള ശ്രമം നടത്തിയെങ്കിലും പൂര്ണമായും മുങ്ങുകയായിരുന്നു. കപ്പലില്നിന്ന് വീണ കണ്ടെയ്നറുകളും വിനാശകാരികളായ പ്ലാസ്റ്റിക് അവശിഷ്ടങ്ങളും സമുദ്രപരിസ്ഥിതിയില് പ്രത്യാഘാതം സൃഷ്ടിച്ചിരുന്നു. 184 മീറ്റര് നീളവും 26 മീറ്റര് വീതിയുമാണ് കപ്പലിനുള്ളത്.