കോട്ടയം: കുട്ടികൾക്ക് റെക്കോർഡിലേയ്ക്കു വരച്ചു കയറാൻ വഴി തുറന്ന് ജാഗ്രത ന്യൂസ് ലൈവും മെന്റോര ഇവന്റ്സും ചേർന്ന് നടത്തുന്ന നിറം കളറിംങ് മത്സരത്തിന്റെ ആദ്യ റൗണ്ട് മത്സരം ഒക്ടോബർ 18 ന് കഞ്ഞിക്കുഴി മൗണ്ട് കാർമ്മൽ എ.വി എൽപി സ്കൂളിൽ നടക്കും. വാർത്തയ്ക്കൊപ്പം നൽകിയിരിക്കുന്ന ഗൂഗിൾ ഫോം ലിങ്ക് വഴിയും, വാർത്തയ്ക്കൊപ്പം നൽകിയിരിക്കുന്ന നമ്പരിൽ ഹായ് അയച്ചും പേര് രജിസ്റ്റർ ചെയ്യാം. ഇത് കൂടാതെ ഒക്ടോബർ 18 ശനിയാഴ്ച മൗണ്ട് കാർമ്മൽ എ.വി എൽ.പി സ്കൂളിൽ നേരിട്ട് എത്തിയും പേര് രജിസ്റ്റർ ചെയ്യാം.
പരിപാടികൾ ഇങ്ങനെ
രാവിലെ 09.30 നാണ് പരിപാടികൾക്ക് തുടക്കമാകുക. മാതാപിതാക്കൾക്ക് ആയി മോട്ടിവേഷൻ ക്ലാസും നടക്കും. ലോകറെക്കോർഡ് കളറിംങ് പ്രോഗ്രാമിന്റെ ഭാഗമായി ജില്ലയിലെ വിവിധ സ്ഥലങ്ങളിൽ നടക്കുന്ന പരിപാടിയുടെ ആദ്യഘട്ടമായാണ് നിറം 2കെ25 കഞ്ഞിക്കുഴി മൗണ്ട് കാർമ്മൽ സ്കൂളിൽ നടക്കുന്നത്. മത്സരത്തിലേയ്ക്കുള്ള രജിസ്ട്രേഷൻ ഒക്ടോബർ ഒന്നു മുതൽ ഓൺലൈനായി ആരംഭിക്കും. നാല് കാറ്റഗറികളിലായാണ് മത്സരം നടക്കുന്നത്. ആദ്യ കാറ്റഗറിയിൽ അങ്കണവാടി കുട്ടികൾക്കു മത്സരിക്കാം. സംഘാടകർ നൽകുന്ന ചിത്രങ്ങൾക്ക് ക്രയോൺസ് ഉപയോഗിച്ച് നിറം നൽകുകയാണ് കുട്ടികൾ ചെയ്യേണ്ടത്. രണ്ടാം കാറ്റഗറിയിൽ എൽ.കെ.ജി – യു.കെ.ജി വിദ്യാർത്ഥികൾക്ക് പങ്കെടുക്കാം. സംഘാടകർ നൽകുന്ന ചിത്രങ്ങൾക്ക് ക്രയോൺസ് ഉപയോഗിച്ച് നിറം നൽകുകയാണ് ഈ തലത്തിൽ കുട്ടികൾ ചെയ്യേണ്ടത്. മൂന്നാം കാറ്റഗറിയിൽ ഒന്ന് രണ്ട് ക്ലാസിലെ കുട്ടികൾക്കാണ് മത്സരം നടക്കുക. സംഘാടകർ നൽകുന്ന വിഷയത്തിന്റെ അടിസ്ഥാനത്തിൽ ചിത്രം വരച്ച ശേഷം വാട്ടർ കളർ നൽകുകയാണ് ചെയ്യണ്ടത്. നാലാം കാറ്റഗറിയിൽ മൂന്ന്, നാല് ക്ലാസിലെ കുട്ടികൾക്കാണ് മത്സരം നടക്കുക. ഈ കാറ്റഗറിയിലും കുട്ടികൾക്ക് വിഷയം നൽകും. ഇതിന്റെ അടിസ്ഥാനത്തിൽ ചിത്രം വരച്ച് കുട്ടികൾ നിറം നൽകണം. ക്രയോൺസ്, വാട്ടർകളർ എന്നിവ കുട്ടികൾ കയ്യിൽ കരുതണം. വരയ്ക്കാൻ ആവശ്യമായ പേപ്പർ സംഘാടകർ വിതരണം ചെയ്യും. അൻപത് രൂപയാണ് രജിസ്ട്രേഷൻ ഫീസ്. കൂടുതൽ വിവരങ്ങൾക്കും, രജിസ്ട്രേഷൻ ഫോമിനുമായി – ഫോൺ: +918089833475 , +917034308532. വാട്സപ്പ് : 7994301992
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
സമ്മാനങ്ങൾ ഇങ്ങനെ
മത്സരത്തിൽ പങ്കെടുക്കുന്ന മുഴുവൻ കുട്ടികൾക്കും സമ്മാനങ്ങളും, സർട്ടിഫിക്കറ്റുകളും മെഡലുകളും വിതരണം ചെയ്യും. കൂടുതൽ കുട്ടികളെ പങ്കെടുപ്പിക്കുന്ന അങ്കണവാടികൾക്കും, സ്കൂളുകൾക്കും പ്രത്യേക പുരസ്കാരങ്ങളും ഉണ്ടാകും. മത്സരത്തിൽ തിരഞ്ഞെടുക്കപ്പെടുന്ന കുട്ടികൾക്ക് ഡിസംബറിൽ നടക്കുന്ന ലോക റെക്കോർഡ് കളറിംങ് മത്സരത്തിൽ പങ്കെടുത്ത് ലോക റെക്കോർഡിന്റെ ഭാഗമാകാം.
പ്രാഥമിക റൗണ്ട് ഒൻപത് കേന്ദ്രങ്ങളിൽ
നിറം കളറിംങ് മത്സരത്തിന്റെ പ്രാഥമിക റൗണ്ട് മത്സരങ്ങൾ ജില്ലയിലെ ഒൻപത് കേന്ദ്രങ്ങളിൽ നടക്കും. ആദ്യ പരിപാടിയാണ് ഒക്ടോബർ 18 ന് മൗണ്ട് കാർമ്മൽ ഹയർ സെക്കൻഡറി സ്കൂളിൽ നടക്കുക. ഒക്ടോബർ 25 ന് പാക്കിൽ സെന്റ് തെരേസാസ് ഇ.എം.യുപി സ്കൂളിൽ ഒക്ടോബർ 25 ന് നടക്കുന്ന കളറിംങ് മത്സരമാണ് അടുത്ത പരിപാടി. തുടർന്ന് വൈക്കം, പാലാ, ചങ്ങനാശേരി, കാഞ്ഞിരപ്പള്ളി, പാലാ, ഈരാറ്റുപേട്ട, കുറവിലങ്ങാട് എന്നിവിടങ്ങളിൽ പരിപാടികൾ നടക്കും.