തിരുവനന്തപുരം:സമൂഹമാധ്യമത്തിലൂടെ യുവതിയെ അധിക്ഷേപിച്ചെന്ന പരാതിയില് അറസ്റ്റിലായ രാഹുൽ ഈശ്വറെ സൈബർ പൊലീസ് പൗഡിക്കോണത്തെ വീട്ടിലേക്ക് കൊണ്ടുവന്ന് തെളിവെടുപ്പ് നടത്തി. യുവതിയെ അധിക്ഷേപിക്കുന്ന ദൃശ്യങ്ങളുണ്ടെന്ന് സംശയിക്കുന്ന ലാപ്ടോപ്പ് കണ്ടെത്തുന്നതിനായാണ് പരിശോധന.ലാപ്ടോപ്പ് ഓഫിസിലാണെന്ന് ആദ്യം പൊലീസ് ചോദ്യം ചെയ്യലിൽ രാഹുൽ പറഞ്ഞിരുന്നു. എന്നാൽ ഇന്നലെ പുറത്തുവിട്ട വീഡിയോയിൽ ലാപ്ടോപ്പ് വീട്ടിൽ നിന്നു മാറ്റുന്നതായി അദ്ദേഹം പരാമർശിച്ചിരുന്നു. ഇതിനെ തുടർന്ന് ലാപ്ടോപ്പ് കണ്ടെത്താനായി സ്ഥലംമാറ്റം നടത്തി തെളിവെടുപ്പ് പൂർത്തിയാക്കി.
കേസിലെ പ്രധാന തെളിവായി ലാപ്ടോപ്പ് പരിഗണിക്കപ്പെടുന്നു. തെളിവെടുപ്പിന് പിന്നാലെ രാഹുലിനെ കോടതിയിൽ ഹാജരാക്കാനാണ് തീരുമാനം.രാഹുൽ മാങ്കൂട്ടത്തിലിനെ അനുകൂലിച്ച് വിഡിയോ ചിത്രീകരണം തുടരുന്നതിൽ നിന്ന് പിന്മാറില്ലെന്നും താന് വിഡിയോ ചെയ്യുന്നത് നിർത്തില്ലെന്നും രാഹുൽ മാധ്യമങ്ങളോട് പ്രതികരിച്ചു.യുവതിയുടെ വ്യക്തിത്വം തിരിച്ചറിയാൻ സഹായിക്കുന്ന വിവരങ്ങൾ പുറത്ത് വിട്ടതായും സ്ത്രീത്വത്തെ അപമാനിച്ചുവെന്നുമുള്ള ആരോപണത്തെ തുടര്ന്നാണ് രാഹുൽ ഈശ്വർ, കോൺഗ്രസ് നേതാവ് സന്ദീപ് വാരിയർ എന്നിവരടക്കം ആറുപേരെതിരെ കേസ് എടുത്തത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
യുവതിയുടെ തിരിച്ചറിയൽ വെളിപ്പെടുത്തൽ, സ്ത്രീനിന്ദ, ഭീഷണി, ഇലക്ട്രോണിക് ഉപകരണങ്ങളുടെ ദുരുപയോഗം എന്നിവയാണ് ചുമത്തിയ വകുപ്പുകൾ. ഇവയ്ക്ക് പരമാവധി രണ്ട് വർഷം വരെ തടവുശിക്ഷ ലഭിക്കാവുന്നുണ്ട്.മഹിളാ കോൺഗ്രസ് പത്തനംതിട്ട ജില്ലാ സെക്രട്ടറി രഞ്ജിത പുളിക്കൻ ഒന്നാം പ്രതിയാണ്. അഭിഭാഷക ദീപ ജോസഫ്, അതേ പേരിൽ പ്രവർത്തിക്കുന്ന മറ്റൊരു സോഷ്യൽ മീഡിയ അക്കൗണ്ട് ഉടമ എന്നിവർ രണ്ടും മൂന്നും പ്രതികൾ. പാലക്കാട് സ്വദേശിയായ ഒരു വ്ലോഗറാണ് ആറാം പ്രതി. കേസിൽ കൂടുതൽ പേരെ പ്രതി പട്ടികയിൽ ഉൾപ്പെടുത്താനിടയുണ്ടെന്നാണ് ലഭ്യമായ വിവരം.