ഇന്നത്തെ കാലത്ത് പലരേയും അലട്ടുന്ന ഒന്നാണ് തൈറോയ്ഡ് പ്രശ്നങ്ങള്. ഇത് രണ്ടുതരമുണ്ട്, ഹൈപ്പോതൈറോയ്ഡും ഹൈപ്പര് തൈറോയ്ഡും. കൂടുതലായി കണ്ടുവരുന്ന ഹൈപ്പോ തൈറോയ്ഡാണ്. ആവശ്യത്തിന് തൈറോയ്ഡ് ഹോര്മോണ് ഉല്പാദനം നടക്കാതെ വരുന്ന അവസ്ഥയാണിത്. മറ്റേത് കൂടുതല് ഉല്പാദനവും. ഹോര്മോണ് പ്രശ്നമായത് കൊണ്ട് പുരുഷന്മാരേക്കാള് സ്ത്രീകളിലാണ് ഇത് കൂടുതലായി കണ്ടുവരുന്നതും.
തൈറോയ്ഡ് ഉള്ളവര് ഒഴിവാക്കേണ്ട പല കാര്യങ്ങളുമുണ്ട്. സ്ട്രെസ് പോലുളള കാര്യങ്ങളും മറ്റും തൈറോയ്ഡ് കൂടുതലാകാന് കാരണമാകും. ഇതുപോലെ ചില പ്രത്യേക ഭക്ഷണങ്ങളും തൈറോയ്ഡ് പ്രശ്നങ്ങളെങ്കില് ഒഴിവാക്കുന്നതാണ് നല്ലത്. പല ഭക്ഷണങ്ങളും ആരോഗ്യത്തിന് ഏറെ ഗുണകരമാണെങ്കിലും ഇത് തൈറോയ്ഡിന് നല്ലതല്ല. ഇതിനാലാണ് ഗുണമേറെയുണ്ടായിട്ടും ഇവ ഒഴിവാക്കാന് പറയുന്നത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
അമരപ്പയര് ഒഴിവാക്കുന്നതാണ് നല്ലത്. ആരോഗ്യത്തിന് ഏറെ ഗുണകരമാണെങ്കിലും ഇത് തൈറോയ്ഡിന് ഗുണകരമല്ല. ഇതുപോലെ തന്നെ ആരോഗ്യകരമായ ഒന്നാണ് മണിച്ചോളം. മില്ലെറ്റ് വര്ഗത്തില് പെട്ട ഇത് ആരോഗ്യത്തിന് ഗുണകരമാണെങ്കിലും തൈറോയ്ഡിന് ന്ല്ലതല്ലെന്ന് പറയാം.
മധുരക്കിഴങ്ങ് ഒഴിവാക്കുന്നതാണ് നല്ലത്. ധാരാളം നാരുകള് അടങ്ങിയ ഇത് ആരോഗ്യത്തിന് നല്ലതാണെങ്കിലും തൈറോയ്ഡിന് നല്ലതല്ല. ഇതുപോലെ തന്നെ കപ്പയും തൈറോയ്ഡ് രോഗികള് ഒഴിവാക്കുന്നതാണ് നല്ലത്. ഇതുപോലെ ആരോഗ്യപരമായ ഗുണങ്ങള് ഏറെയാണെങ്കിലും ഫ്ളാക്സ് സീഡ് ഒഴിവാക്കുന്നതാണ് നല്ലത്. ഇത് ഒഴിവാക്കാന് പറയുന്നതിന് കാരണമുണ്ട്.
തൈറോയ്ഡ് കാരണമാകുന്ന ഗോയിട്രോജെന്സ് ആയി മാറുന്ന ചില വസ്തുക്കള് ഇതില് അടങ്ങിയിട്ടുള്ളതാണ് കാരണമായി പറയുന്നത്. ഇതിലെ ഗോയിട്രോജനുകള് തൈറോയ്ഡ് ഗ്ലാന്റിന് അയൊഡിന് വേണ്ട രീതിയില് ഉപയോഗിയ്ക്കുന്നതിന് തടസമായി നില്ക്കുന്നു. എന്നാല് ഇവ നല്ലതുപോലെ വേവിച്ച് കഴിയ്ക്കുന്നത് ഒരു പരിധി വരെ ഗോയിട്രോജെനിക് ഘടകങ്ങളെ നശിപ്പിയ്ക്കുന്നു. ഇതിനാല് നല്ലതുപോലെ വേവിച്ചും കുറഞ്ഞ അളവില് കഴിച്ചും വേണമെങ്കില് തൈറോയ്ഡ് പ്രശ്നമുള്ളവര്ക്ക് ഇവ ഉപയോഗിയ്ക്കാം. മധുരക്കിഴങ്ങ് പോലുള്ളവയില് വൈറ്റമിന് എ അടങ്ങിയിട്ടുണ്ട്. ഇത് ഒരു പരിധി വരെ ടിഎസ്എച്ച് ലെവല് നിയന്ത്രണത്തിന് സഹായിക്കുന്നു. അതായത് തൈറോയ്ഡ് സ്റ്റിമുലേറ്റിംഗ് ഹോര്മോണ്.
ഇതുപോലെ തന്നെ ക്യാബേജ്, ബ്രൊക്കോളി, കോളിഫ്ളവര് പോലുള്ളവയും തൈറോയ്ഡ് പ്രശ്നങ്ങളുള്ളവര് ഒഴിവാക്കുന്നതാണ് നല്ലത്. ഇവയിലും ഗോയിട്രോജനുകളുള്ളതാണ് പ്രശ്നമാകുന്നത്. ഇവയും നല്ലത് പോലെ വേവിച്ചോ കുറഞ്ഞ അളവിലോ കഴിയ്ക്കാം. എന്നാല് തൈറോയ്ഡ് കാര്യമായി കൂടുതലുള്ളവരെങ്കിലും നിയന്ത്രണത്തിലല്ലെങ്കിലും ഡോക്ടറുടെ നിര്ദേശം തേടുകയെന്നത് ഏറെ പ്രധാനമാണ്