ആലപ്പുഴ: ഉസ്ബകിസ്ഥാനിൽ മെഡിക്കൽ വിദ്യാർഥിനി സാവരിയ ബസന്ത് കൊല്ലപ്പെട്ട സംഭവത്തിൽ സി.ബി.ഐ അന്വേഷണം വേണമെന്ന് ആവശ്യപ്പെട്ട് ബി.ജെപി ആലപ്പുഴ നോർത്ത് ജില്ല കമ്മറ്റിയുടെ നേതൃത്വത്തിൽ ആലപ്പുഴ കലക്ടറേറ്റിന് മുന്നിൽ ധർണ നടത്തി. ബി.ജെ.പി സംസ്ഥാന ജനറൽ സെക്രട്ടറി അഡ്വ. എസ്. സുരേഷ് ഉദ്ഘാടനം നിർവഹിച്ചു. കേരളത്തിലെ വിദ്യാഭ്യാസമേഖലയെ മതവത്കരിക്കുന്ന സമീപനത്തിലൂടെ മത താൽപര്യങ്ങൾ സംരക്ഷിക്കാനുള്ള പരിശ്രമങ്ങൾക്കാണ് സംസ്ഥാന സർക്കാർ നേതൃത്വം നൽകുന്നതെന്ന് അദ്ദേഹം പറഞ്ഞു. നോർത്ത് ജില്ല പ്രസിഡന്റ് അഡ്വ പി.കെ. ബിനോയി അധ്യക്ഷത വഹിച്ചു. സംസ്ഥാന സെക്രട്ടറിമാരായ പൂന്തുറ ശ്രീകുമാർ, എം.വി. ഗോപകുമാർ, ജില്ലജനറൽ സെക്രട്ടറിമാരായ പി.കെ. വാസുദേവൻ, ടി. സജീവ് ലാൽ എന്നിവർ സംസാരിച്ചു. മേഖല സെക്രട്ടറി ജി. വിനോദ് കുമാർ , കൊട്ടാരം ഉണ്ണികൃഷ്ണൻ, ജില്ല ഭാരവാഹികളായ ടി.കെ. അരവിന്ദാക്ഷൻ, കെ.പി പരീക്ഷിത്ത്, വിമൽരവീന്ദ്രൻ , ഷെൽമ സുരേഷ്, അരുൺ അനിരുദ്ധൻ, സുമി ഷിബു, ജയലത, സജി പി. ദാസ്, ആർ. ഉണ്ണികൃഷ്ണൻ, പി.എസ്. ശ്രീകുമാർ, വി.കെ. ഗോപിദാസ് , ബൈജു തിരുനല്ലൂർ , ഡി. സുഭാഷ്, വി. ബാബുരാജ്, ജി.ഹരിനാരായണൻ എന്നിവർ നേതൃത്വം നൽകി.
ഉസ്ബെക്കിസ്ഥാനിലെ മെഡിക്കൽവിദ്യാർഥിനിയുടെ കൊലപാതകം: ബി.ജെ.പി ആലപ്പുഴ കലക്ടറേറ്റിന് മുന്നിൽ ധർണ നടത്തി
