ആലപ്പുഴ: അഖിലേന്ത്യ കർഷകതൊഴിലാളി യൂനിയൻ (എ.ഐ.എ.ഡബ്ല്യു.യു) ദേശീയ ജനറൽകൗൺസിൽയോഗവും സെമിനാറും ഈമാസം 24 മുതൽ 26വരെ ആലപ്പുഴയിൽനടക്കും. വെള്ളിയാഴ്ച വൈകീട്ട് നാലിന് മങ്കൊമ്പ് പി. കൃഷ്ണപിള്ള സ്മാരക കൺവെൻഷൻ സെന്ററിൽ ‘‘ഇന്ത്യൻ സാഹചര്യവും കർഷകതൊഴിലാളികളും’’ എന്ന വിഷയത്തിൽ നടക്കുന്ന സെമിനാർ പ്രസിഡന്റ് എ. വിജയരാഘവൻ ഉദ്ഘാടനം ചെയ്യും. ആർ.നാസർ അധ്യക്ഷത വഹിക്കും.
ശനിയാഴ്ച ആലപ്പുഴ പഗോഡ റിസോർട്ടിലാണ് കൗൺസിൽയോഗം. യൂനിയൻ ജനറൽ സെക്രട്ടറി ബി.വെങ്കിട് റിപ്പോർട്ട് അവതരിപ്പിക്കും. തുടർന്ന് രാജ്യത്തെ നിലവിലെ സാഹചര്യങ്ങൾ, വിലക്കയറ്റം, പൊതുവിതരണ ശൃംഖല തകർക്കൽ, തൊഴിലുപ്പ് പദ്ധതി ഇല്ലായ്മചെയ്യൽ എന്നിവയിൽ ചർച്ചയുണ്ടാകും.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
26ന് പ്രതിനിധികൾക്കായി ഹൗസ് ബോട്ട് സവാരിയുമുണ്ടാകും. 17 സംസ്ഥാനങ്ങളിൽനിന്നായി 140 പ്രതിനിധികൾ പങ്കെടുക്കും. വാർത്തസമ്മേളനത്തിൽ സംഘാടകസമിതി ചെയർമാൻ ആർ.നാസർ, കെ.എസ്.കെ.ടി.യു ജനറൽ സെക്രട്ടറി എൻ. ചന്ദ്രൻ, വൈസ് പ്രസിഡന്റ് എം.ഡി. കുഞ്ഞച്ചൻ, കൺവീനർ എം. സത്യപാലൻ എന്നിവർ പങ്കെടുത്തു.