കൊച്ചി : കാലങ്ങളായി മലയാളം സിനിമാ- സീരിയല് രംഗത്ത് സജീവമായി നില്ക്കുന്ന താരമാണ് ലക്ഷ്മി പ്രിയ. ബിഗ് ബോസ് മലയാളം സീസണ് 4ല് മത്സരാർത്ഥിയായി എത്തിയും പ്രേക്ഷക മനം കീഴടക്കിയ ലക്ഷ്മിയ്ക്ക്, ഷോയുടെ ഫിനാലെ വരെ ഹൗസില് നില്ക്കാൻ സാധിച്ചിരുന്നു.നിലവില് അഭിനയ ജീവിതവുമായി മുന്നോട്ട് പോകുന്ന ലക്ഷ്മി പ്രിയ ഇപ്പോള് നിയമസഭാ തെരഞ്ഞെടുപ്പിലെ സ്ഥാനാർത്ഥിയാണ്. പെരുമ്പാവൂരിലാണ് ലക്ഷ്മി ജനവിധി തേടാൻ ഇറങ്ങുന്നത്. തതവസരത്തില് അഞ്ച് വർഷം മുൻപുള്ള ലക്ഷ്മി പ്രിയയുടെ പോസ്റ്റ് വീണ്ടും വൈറലായിരിക്കുകയാണ്.
അന്ന് നിയമസഭാ തെരഞ്ഞെടുപ്പില് ബിജെപി പരാജയപ്പെട്ടിരുന്നു. ഇതുമായി ബന്ധപ്പെട്ട് ലക്ഷ്മി പ്രിയ പങ്കുവച്ച പോസ്റ്റാണിത്. ബിജെപി സീറ്റ് നേടിയാലും ഇല്ലെങ്കിലും താൻ എന്നും സംഘ പുത്രി തന്നെ ആയിരിക്കുമെന്ന് അന്ന് ലക്ഷ്മി കുറിച്ചിരുന്നു. മരണം വരെ ബിജെപിയ്ക്ക് വോട്ട് ചെയ്യുമെന്ന് പറഞ്ഞ ലക്ഷ്മി, ജയ പരാജയങ്ങളുടെ പേരില് ആരൊക്കെ പ്രസ്ഥാനത്തെ വിട്ടുപോയാലും താൻ ഉണ്ടാവുമെന്നും പറഞ്ഞിരുന്നു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
5 വർഷം മുൻപത്തെ ലക്ഷ്മി പ്രിയയുടെ പോസ്റ്റ്
എബിവിപി എന്ന് പറഞ്ഞാല് എന്ത് എന്ന് പോലും അറിയാത്ത ഞാൻ എബിവിപി ചേട്ടൻമാർക്ക് സ്ഥാനാർഥി ആയി ആരെയും കിട്ടാതെ വന്നപ്പോ മോളെ മോളെങ്കിലും നില്ക്കുമോ എന്ന് ചോദിയ്ക്കുകയും ഞാൻ സ്ഥാനാർഥി ആവുകയും വോട്ടെണ്ണിയ മീനാക്ഷിയമ്മ ടീച്ചർ “ഇയാള്ക്ക് ഇയാളുടെ വോട്ട് പോലും ഇല്ലേ “? എന്ന് ചോദിയ്ക്കുകയും ടീച്ചറെ ഞെട്ടിച്ചു കൊണ്ടു ‘എനിക്കു ഞാൻ തന്നെ ചെയ്ത ആ ഒറ്റ വോട്ട് ‘ കണ്ടെടുക്കുകയും ചെയ്തു. അപ്പൊ എനിക്കു 10 വയസ്സായിരുന്നു പ്രായം. അഞ്ചാം ക്ലാസ്സുകാരി. എന്റെ പുസ്തകത്തില് ഒക്കെ വിസ്തരിച്ചെഴുതിയിട്ടുണ്ട്. സംശയമുള്ളവർക്ക് വായിച്ചു നോക്കാം. ‘കഥയും കഥാപാത്രങ്ങളും സാങ്കല്പ്പികമല്ല.’അഞ്ചില് നിന്ന് പത്തിലേക്കുയർന്നപ്പോ സ്കൂളുകളില് വിദ്യാർത്ഥി രാഷ്ട്രീയമവസാനിപ്പിയ്ക്കുകയും ലീഡർമാർ സ്വതന്ത്രരായി മത്സരിച്ചു വിജയിക്കുകയും ചെയ്യുന്ന കാലത്തിലേക്കെത്തുകയും ഞാനടക്കമുള്ള 55 വോട്ടില് 45 ഉം നേടി ഞാൻ വൻഭൂരിപക്ഷത്തോടെ വിജയിക്കുകയും ചെയ്തു…
പറഞ്ഞു വന്നത് രണ്ടു കാര്യങ്ങള് ആണ്.തോല്പ്പിച്ചത് നമ്മുടെ വ്യക്തിത്വത്തെ ഒന്നുമല്ല ഹേ, നമ്മുടെ നിലപാടിനെയാണ്.നമ്മുടെ നിലപാടാണല്ലോ നമ്മുടെ രാഷ്ട്രീയം. ഒന്നുമറിയാത്ത പ്രായത്തില് എബിവിപിയിലേക്ക് ഞാൻ ആകൃഷ്ട ആയിട്ടുണ്ടെങ്കില് എന്റെ വ്യക്തിത്വവും നിലപാടും ഒരു സ്വയം സേവകയുടേത് ആയിട്ടുണ്ടെങ്കില് ബിജെപി ഇവിടെ സീറ്റ് നേടിയാലും ഇല്ലെങ്കിലും ഞാൻ എന്നും സംഘ പുത്രി തന്നെ ആയിരിക്കും. മരണം വരെ ബിജെപിയ്ക്ക് വോട്ട് ചെയ്യുകയും ചെയ്യും.ജയ പരാജയങ്ങളുടെ പേരില് ആരൊക്കെ പ്രസ്ഥാനത്തെ വിട്ടുപോയാലും ഞാൻ ഉണ്ടാവും പ്രസ്ഥാനത്തിനൊപ്പം. എനിക്കു ഞാൻ തന്നെ ചെയ്ത ആ ഒറ്റ വോട്ട് പോലെ ഒറ്റ സീറ്റും ഇല്ലെങ്കിലും ഒറ്റ വോട്ട് ഉറപ്പായും ഭാരതീയ ജനതാ പാർട്ടിയ്ക്ക് ഉറപ്പിയ്ക്കുന്ന പതിനായിരങ്ങളില് ഒരാള് ആയി ഈ ഞാനും.