പൊൻകുന്നം :അമിത വേഗതയിൽ എത്തിയ ലോറി ബൈക്കിന് പിന്നിൽ ഇടിച്ച് റോഡിലേക്ക് വീണ വീട്ടമ്മ മരിച്ചു.പനമറ്റം മാടത്താനിൽ ലേഖ (44 )യാണ് മരിച്ചത്.
ബൈക്ക് ഓടിച്ചിരുന്ന പനമറ്റം അഞ്ജുഭവനിൽ അർജുൻ കൃഷ്ണൻ(22) നെ ഗുരുതര പരിക്കുകളോടെ കോട്ടയം മെഡിക്കൽ കോളേജിൽ പ്രവേശിപ്പിച്ചു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ബൈക്കിലെത്തിയ ലേഖയും, ബന്ധുവായ അർജുനും സംസ്ഥാന പാതയിൽ നിന്ന് വീട്ടിലേയ്ക്ക് തിരിഞ്ഞ് കയറുന്നതിനിടെ പിന്നിൽ അമിത വേഗത്തിലെത്തിയ ലോറി ഇടിക്കുകയായിരുന്നു.ലേഖയുടെ ദേഹത്തുകൂടി ലോറി കയറി ഇറങ്ങുകയുമായിരുന്നു.ലേഖ സംഭവസ്ഥലത്ത് വച്ച് തന്നെ മരിച്ചു.
പത്തനാപുരത്ത് നിന്ന് കൈതച്ചക്ക കയറ്റിവന്ന വാഴക്കുളത്തേക്ക് പോവുകയായിരുന്നു ലോറിയാണ് അപകടമുണ്ടാക്കിയത്.
ലോറി ഡ്രൈവർ വടക്കാഞ്ചേരി മംഗലം സ്വദേശി നന്ദനത്തിൽ ഗീരീഷ് (48) നെ പൊൻകുന്നം പൊലീസ് കസ്റ്റഡിയിലെടുത്തു.