മലയാളികളുടെ പ്രിയപ്പെട്ട താരജോഡികളായ ജയറാം- ഉർവശി ടീം ഒന്നിക്കുന്ന തമിഴ് ചിത്രം ‘പരിമള ആൻഡ് കോ ജൂണ് അഞ്ചിനാണ് ആഗോള റിലീസായി തീയേറ്ററുകളിലെത്തിയത്. ചിത്രം കേരളത്തില് എത്തിച്ചിരിക്കുന്നത് ശ്രീ ഗോകുലം മൂവീസിന്റെ ബാനറില് ശ്രീ ഗോകുലം ഗോപാലനാണ്. സൂപ്പർ ഹിറ്റ് തമിഴ് സംവിധായകൻ പാണ്ഡിരാജ് ഒരുക്കിയ ചിത്രം നിർമ്മിച്ചിരിക്കുന്നത് തമിഴ് കുമരൻ പ്രൊഡക്ഷൻസ് ബാനറില് ജി കെ എം തമിഴ് കുമരൻ, പസംഗ ഫിലിംസിന്റെ ബാനറില് പാണ്ഡിരാജ് എന്നിവർ ചേർന്നാണ്. ലൈക്ക പ്രൊഡക്ഷൻസിന്റെ ബാനറില് സുബാസ്കരൻ ആണ് ചിത്രം അവതരിപ്പിക്കുന്നത്. ചിത്രത്തിന് യുഎ സര്ട്ടിഫിക്കറ്റാണ് ലഭിച്ചിരിക്കുന്നത്. പരിമള ആൻഡ് കോ ഏഴ് കോടിയുടെ കളക്ഷനാണ് ഇതുവരെ നേടിയിരിക്കുന്നത് എന്ന് സാക്നില്ക്ക് റിപ്പോര്ട്ട് ചെയ്യുന്നു.
മികച്ച പ്രതികരണമാണ് ചിത്രത്തിന് ലഭിക്കുന്നത്. ഒരു ഫാമിലി ക്രൈം ഒളിപ്പിക്കുന്നതാണ് ചിത്രത്തിന്റെ പ്രമേയം എന്ന് പരിമള ആൻഡ് കോ കണ്ടവര് സാമൂഹ്യ മാധ്യമത്തില് കുറിച്ചിരിക്കുന്നത്. വരുണ് പ്രഭാകറിന്റെ കൊലപാതകം ഒളിപ്പിക്കുന്ന ദൃശ്യം പോലെയാണോ പരിമള ആൻഡ് കോ എന്നാണ് സാമൂഹ്യ മാധ്യമത്തില് സിനിമാ ആസ്വാദകര് ചോദിക്കുന്നത്. എന്നാല് കോമഡിക്കും പ്രാധാന്യം നല്കി ഒരുക്കിയിരിക്കുന്ന ചിത്രമാണ് പരിമള ആൻഡ് കോ എന്നാണ് പ്രിവ്യു ഷോ കണ്ടവരുടെ അഭിപ്രായങ്ങള്. ചിത്രത്തിലെ എല്ലാ കഥാപാത്രങ്ങള്ക്കും തനതായ വ്യക്തിത്വം നല്കിയിരിക്കുന്നു. ഉര്വശിയുടെയും ജയറാമിന്റെയും പ്രകടനം മികച്ചു നില്ക്കുന്നു. എന്റര്ടെയ്നിംഗ് ആയ തിരക്കഥയാണ് ജയറാം ചിത്രത്തിന്റേത് എന്നുമാണ് അഭിപ്രായങ്ങള്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ജയറാം – ഉർവശി ടീം ഒരു വലിയ ഇടവേളയ്ക്കു ശേഷം ഒന്നിക്കുന്ന ഈ ചിത്രം ക്രൈം കോമഡി വിഭാഗത്തില് ആണ് ഒരുക്കിയിരിക്കുന്നത്. ടൈറ്റില് ടീസർ നേരത്തെ പുറത്തു വരികയും വലിയ പ്രേക്ഷക ശ്രദ്ധ നേടുകയും ചെയ്തിരുന്നു. ഒരു പക്കാ ഫണ് എന്റെർറ്റൈനെർ ആയാണ് ചിത്രം ഒരുക്കിയിരിക്കുന്നത് എന്ന സൂചനയാണ് ടൈറ്റില് ടീസർ നല്കിയത്. മിഷ്കിൻ, യോഗി ബാബു, സാൻഡി, സഞ്ജന കൃഷ്ണമൂർത്തി, അനന്തിക സനില്കുമാർ, സന്തോഷ് ശോഭൻ എന്നിവരാണ് സിനിമയിലെ മറ്റു താരങ്ങള്. സംവിധായകൻ പാണ്ഡിരാജ് തന്നെയാണ് ചിത്രം രചിച്ചത്.
ഛായാഗ്രഹണം : ജോർജ്ജ് സി വില്യംസ്, സംഗീതം : ഫോക്സ്ൻ, എഡിറ്റർ : പ്രദീപ് ഇ രാഗവ്, കലാസംവിധാനം : ടി രാമലിംഗം, സ്റ്റണ്ട് മാസ്റ്റർ : കലൈ കിംഗ്സണ്.ഡ്രീം ബിഗ് ഫിലിംസ് ആണ് ചിത്രത്തിന്റെ കേരളാ ഡിസ്ട്രിബൂഷൻ പാർട്ണർ. പിആർഒ – ശബരി.