കോട്ടയം: ഓണ്ലൈനിലെ ഓർഡറുകളില് പലപ്പോഴും പാളിച്ചകള് സംഭവിക്കുന്ന വാർത്തകള് നിരവധിയാണ്. ഇക്കൂട്ടത്തില് ഏറ്റവും പുതിയതാണ് കോട്ടയം സ്വദേശിയായ യുവാവിനുണ്ടായ ദുരനുഭവം. പ്രശസ്ത വെബ്സൈറ്റായ ആമസോണിലെ ഓർഡറിലാണ് കോട്ടയം പൈക സ്വദേശി ഡോണ് ടോമിന് ദുരനുഭവം ഉണ്ടായത്. ഡോണ് ടോം ആമസോണില് ഓർഡർ ചെയ്തത് ലാപ്ടോപ്പായിരുന്നു. ദിവസങ്ങള്ക്കിപ്പുറം പാഴ്സല് ലഭിച്ചപ്പോള് സന്തോഷത്തോടെ തുറന്നുനോക്കിയ ഡോണിനുണ്ടായത് കടുത്ത നിരാശയാണ്. പാഴ്സലിനുള്ളില് ലാപ്ടോപ്പിന് പകരം കല്ലും തുണിയുമായിരുന്നു. 55000 രൂപ വിലവരുന്ന ലാപ്ടോപ്പ് ഓഡർ ചെയ്തത് ഫെബ്രുവരി 12 നായിരുന്നു. പാഴ്സലിലെ കല്ലും തുണിയുടെയും ചിത്രമടക്കം ഡോണ്, അമസോണ് അധികൃതർക്ക് പരാതി നല്കി. പരാതി പരിശോധിക്കുമെന്ന് അമസോണ് കമ്പനി അധികൃതർ അറിയിച്ചതായി ഡോണ് വ്യക്തമാക്കി. പൊൻകുന്നം പൊലീസിലും യുവാവ് പരാതി നല്കിയിട്ടുണ്ട്.
ഓർഡർ ചെയ്തത് ലാപ്പ് ടോപ്പിന്; ആമസോണിൽ നിന്നും കിട്ടിയത് കല്ലും കട്ടയും; പരാതിയുമായി കോട്ടയം സ്വദേശിയായ യുവാവ്
