പാലക്കാട് :രാഹുല് മാങ്കൂട്ടത്തില് എംഎല്എയുടെ മുൻകൂർ ജാമ്യാപേക്ഷ ഇന്ന് തിരുവനന്തപുരം ജില്ലാ സെഷൻസ് കോടതി പരിഗണിക്കും.ജാമ്യാപേക്ഷയിലെ വാദം അടച്ചിട്ടമുറിയില് വേണമെന്ന പ്രോസിക്യൂഷനും രാഹുല് മാങ്കൂട്ടത്തിലിന്റെ അഭിഭാഷകനും ആവശ്യപ്പെട്ടിട്ടുണ്ട്. ഇതിലാകും ആദ്യവാദം.തനിക്കെതിരായ പരാതിയിലെ ആരോപണങ്ങള് കെട്ടിച്ചമച്ചതാണെന്നാണ് രാഹുലിന്റെ വാദം. പീഡനാരോപണവും ഗർഭഛിദ്രം നടത്തിയെന്ന പരാതിയും മുൻകൂർ ജാമ്യാപേക്ഷയില് രാഹുല് നിരസിച്ചിട്ടുണ്ട്. ഇതിനായി ഡിജിറ്റല് തെളിവുകളും രാഹുല് ഹാജരാക്കിയിരുന്നു.
Advertisements
എന്നാല് രാഹുലിനെതിരെ തെളിവുകള് പോലീസ് ശേഖരിച്ചിട്ടുണ്ട്. പാലക്കാടും തിരുവനന്തപുരത്തും വിശദ അന്വേഷണം പ്രത്യേക സംഘം നടത്തിയിരുന്നു. ഒളിവിലുള്ള രാഹുലിനായി തമിഴ്നാട്ടിലും കര്ണാടകയിലും പോലീസ് അന്വേഷണം നടത്തുന്നുണ്ട്.