കോട്ടയം : ദേശീയ പരിസ്ഥിതി കോൺഗ്രസ് ക്ഷിതി 2025 മാധ്യമ പുരസ്കാരത്തിന് കോട്ടയം എസിവി ന്യൂസ് സീനിയർ വീഡിയോ ജേർണലിസ്റ്റ് പി എം ബിനുമോൻ അർഹനായി.
ദൃശ്യമാധ്യമ രംഗത്തെ 15 വർഷം നീണ്ട പരിസ്ഥിതി വാർത്തകളുടെ സമഗ്ര സംഭാവനയ്ക്കാണ് അവാർഡ് .വയനാട് മുള്ളൻകൊല്ലിയിൽ നടന്ന ദേശീയ പരിസ്ഥിതി കോൺഗ്രസ് സംസ്ഥാന സമിതി യോഗത്തിൽ സംസ്ഥാന പ്രസിഡണ്ട് ജ്യോതിഷ് കൃഷ്ണയാണ് പരിസ്ഥിതി വാർത്ത പുരസ്കാരങ്ങൾ പ്രഖ്യാപിച്ചത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഏപ്രിൽ 12ന് കോട്ടയം പ്രസ് ക്ലബ് ഹാളിൽ നടക്കുന്ന പരിസ്ഥിതി സെമിനാറിൽ പുരസ്കാരങ്ങൾ സമ്മാനിക്കും. ഫ്രാൻസിസ് ജോർജ് എംപി , തിരുവഞ്ചൂർ രാധാകൃഷ്ണൻ എംഎൽഎ , ദേശീയ പരിസ്ഥിതി കോൺഗ്രസ് ദേശീയ പ്രസിഡണ്ട് അഡ്വ. അനിൽ ബോസ് തുടങ്ങിയവർ പങ്കെടുക്കും.
മാതൃഭൂമി റിപ്പോർട്ടർ റാം എസ്.ഡി , യുവ വനിത മാധ്യമപ്രവർത്തക അജ്മി ഷാംസ് എന്നിവരും മാധ്യമ പുരസ്കാരത്തിന് അർഹരായി.
യോഗത്തിൽ വിവിധ മേഖലയിലെ പ്രവർത്തകരെയും ചടങ്ങിൽ ആദരിക്കും