പനച്ചിക്കാട്: അക്ഷര നഗരിയായ കോട്ടയത്തുനിന്നും അക്ഷരദേവിയുടെ കളിത്തട്ടായ പനച്ചിക്കാട് ദേവിയുടെ മണ്ണിൽനിന്നും ഉദിച്ചുയർന്ന യുവ സംഗീതപ്രതിഭ വിധുരാജ്, ഏഷ്യാനെറ്റ് സ്റ്റാർ സിംഗറിലൂടെ മലയാളികളുടെ ഹൃദയങ്ങളിൽ ഇടം നേടിയ ശേഷം സ്വന്തം നാട്ടുകാർക്ക് മുന്നിൽ സംഗീതമാഘോഷിക്കാൻ എത്തുകയാണ്. 2025 ഒക്ടോബർ 28-ന് രാവിലെ 9.30-ന് പനച്ചിക്കാട് ദക്ഷിണ മൂകാംബിക ക്ഷേത്രത്തിൽ സ്റ്റാർ സിംഗർ സംഘത്തിന്റെ ദർശനത്തോടെ സംഗീതാഘോഷത്തിന് തുടക്കമാകും. തുടർന്ന് 10 മണിക്ക് നെല്ലിക്കൽ എസ്.എൻ.ഡി.പി. ഹാളിൽ ‘സ്റ്റാർ സിംഗർ ഹോം ടൂർ’ പരിപാടിയുടെ ഭാഗമായി ഗംഭീരമായ സ്വീകരണവും സംഗീത വിരുന്നും അരങ്ങേറും.
‘ടീം കോൺവെന്റ്’യും ‘ടീം ഗുരുകുലം’യും ഉൾപ്പെടുന്ന സ്റ്റാർ സിംഗർ മത്സരാർത്ഥികൾ അണിനിരക്കുന്ന ഈ സംഗീത സന്ധ്യ, കോട്ടയത്തിന്റെ സംഗീതാഭിമാനത്തിന്റെ പകിട്ടേകും. പരിപാടിയുടെ ഉദ്ഘാടനം തിരുവഞ്ചൂർ രാധാകൃഷ്ണൻ എം.എൽ.എ. നിർവഹിക്കും. അധ്യക്ഷത ആനിമാമ്മൻ (പനച്ചിക്കാട് പഞ്ചായത്ത് പ്രസിഡൻ്റ്) വഹിക്കും.
സാമൂഹിക, സാംസ്കാരിക, രാഷ്ട്രീയ രംഗങ്ങളിലെ നിരവധി പ്രമുഖർ ചടങ്ങിൽ പങ്കെടുക്കും.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
സ്റ്റാർ സിംഗർ സീസൺ 10 ഹോം ടൂറിന്റെ അവസാനത്തെയും ഏറ്റവും ആവേശകരമായ വേദിയുമായിരിക്കും പനച്ചിക്കാട്. വൈകുന്നേരം 2 മണിക്ക് പുതുപ്പള്ളി ഗ്രാമപഞ്ചായത്ത് കമ്മ്യൂണിറ്റി ഹാളിൽ വിപുലമായ സ്വീകരണവും സംഗീതാഘോഷരാവും ഒരുക്കിയിട്ടുണ്ട്.