കോട്ടയം: നാട്ടകത്ത് സിപിഎം ഏരിയ കമ്മിറ്റി അംഗം കെ. രമേശ് അടക്കം ഏകദേശം 50 ഓളം സിപിഎം, കോൺഗ്രസ് നേതാക്കൾ ബിജെപിയിൽ ചേർന്നു. നാട്ടകത്ത് നടന്ന ചടങ്ങിൽ ബിജെപി മുൻ സംസ്ഥാന അധ്യക്ഷൻ കെ. സുരേന്ദ്രൻ പുതിയ പ്രവർത്തകരെ പാർട്ടിയിലേക്കു സ്വീകരിച്ചു.
“കേരളത്തിൽ പുതിയ രാഷ്ട്രീയ മാറ്റത്തിന്റെ ശംഗനാദം മുഴങ്ങുകയാണ്,” കെ. സുരേന്ദ്രൻ ചടങ്ങിൽ പ്രസ്താവിച്ചു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
സിപിഎം കോട്ടയം ഏരിയ കമ്മിറ്റി അംഗമായും മൂന്നു തവണ പഞ്ചായത്ത് അംഗമായും നാട്ടകം സർവീസ് സഹകരണ ബാങ്ക് പ്രസിഡന്റായും പ്രവർത്തിച്ച കെ. രമേശ് അടക്കം നിരവധി പ്രമുഖരാണ് ഈ ചടങ്ങിൽ പങ്കാളികളായത്.
ബിജെപി കോട്ടയം മണ്ഡലം പ്രസിഡന്റ് വി. പി. മുകേഷ് അധ്യക്ഷനായ യോഗത്തിൽ ജില്ലാ ജനറൽ സെക്രട്ടറിമാരായ എസ്. രതീഷ്, എൻ. കെ. ശശികുമാർ, മേഖല ഉപാധ്യക്ഷൻ ടി. എൻ. ഹരികുമാർ, ജില്ലാ വൈസ് പ്രസിഡന്റ് അരുൺ മൂലേടം, സിന്ധു അജിത്, ആന്റണി അറയിൽ, സംസ്ഥാന കൗൺസിൽ അംഗം സി. എൻ. സുഭാഷ്, മണ്ഡലം ജനറൽ സെക്രട്ടറിമാരായ കെ. ശങ്കരൻ, വിനു ആർ. മോഹൻ തുടങ്ങിയവർ സംസാരിച്ചു.