കൊച്ചി: കൊച്ചി നഗരത്തിൽ റോഡരികിൽ കിടന്ന് ഉറങ്ങുകയായിരുന്ന മധ്യവയസ്കനെ പെട്രോളൊഴിച്ച് തീ കൊളുത്തി. ആക്രമണത്തിൽ പരിക്കേറ്റ വ്യക്തി ആശുപത്രിയിൽ ചികിത്സയിൽ തുടരുന്നു. പിറവം കാരക്കോട് അഞ്ചു സെന്റ് കോളനി നെല്ലിക്കുഴി വീട്ടിൽ ജോസഫ് മാത്യുവിനാണ് (56) നേരെ ആക്രമണം ഉണ്ടായത്.തീ കൊളുത്തിയതെന്നാണ് സംശയിക്കപ്പെടുന്ന കടവന്ത്ര സ്വദേശി ആന്റപ്പനെ പൊലീസ് കസ്റ്റഡിയിലെടുത്തിട്ടുണ്ട്. പണമിടപാടിനെ ചൊല്ലിയുണ്ടായ മുൻവൈരാഗ്യമാണ് ആക്രമണത്തിന് പിന്നിലെന്ന് പൊലീസ് നിരീക്ഷിക്കുന്നു.
ഇന്ന് പുലർച്ചെ ഏകദേശം ഒരു മണിയോടെ സഹോദരൻ അയ്യപ്പൻ റോഡിൽ മെട്രോ തൂണുകൾക്കിടയിൽ കിടന്ന് ഉറങ്ങുകയായിരുന്നപ്പോഴാണ് ആക്രമണം നടന്നത്. ആന്റപ്പൻ ജോസഫിന്റെ പോക്കറ്റിൽ നിന്ന് എടുത്ത പണം തിരികെ ചോദിച്ചതിനെ തുടർന്ന് ഉണ്ടായ വിരോധമാണ് തീകൊളുത്തൽ ശ്രമത്തിൽ കലാശിച്ചതെന്ന് എഫ്.ഐ.ആറിൽ പറയുന്നു.‘നീ കത്തി എരിഞ്ഞു ചാകടാ’ എന്ന് മുഴങ്ങി കൊണ്ടാണ് ആന്റപ്പൻ പെട്രോൾ ഒഴിച്ച് തീ കൊളുത്താൻ ശ്രമിച്ചതെന്നും പരാതിയിൽ ഉൾപ്പെടുത്തിയിട്ടുണ്ട്. ജോസഫിന്റെ ശരീരമാസകലം ഗുരുതരമായി പൊള്ളലേറ്റിട്ടുണ്ട്.