മലയാള സിനിമയില് ഒരുപിടി എവർഗ്രീൻ ഹിറ്റുകള് സമ്മാനിച്ച പ്രിയ സംഗീത സംവിധായകൻ അലക്സ് പോള് വീണ്ടുമൊരു സംഗീത വിസ്മയവുമായി പ്രേക്ഷകരിലേക്ക് എത്തുന്നു. ‘ക്ലാസ്മേറ്റ്സ്’, ‘തൊമ്മനും മക്കളും’, ‘ചോക്ലേറ്റ്’ തുടങ്ങിയ ചിത്രങ്ങളിലൂടെ മലയാളി മനസ്സ് കീഴടക്കിയ അദ്ദേഹം, തന്റെ പതിവ് ശൈലിയില് നിന്നും തികച്ചും വ്യത്യസ്തമായ സംഗീതാനുഭവവുമായാണ് ഇത്തവണ എത്തുന്നത്. ‘ലവ് ആന്ഡ് യു’ എന്ന് പേരിട്ടിരിക്കുന്ന പുതിയ ചിത്രത്തിലൂടെയാണ് ഈ സംഗീത വിരുന്ന് ഒരുങ്ങുന്നത്. മലയാളം, തമിഴ്, ഹിന്ദി, ഇംഗ്ലീഷ് എന്നിങ്ങനെ നാല് ഭാഷകളിലായുള്ള ഗാനങ്ങളാണ് ഈ ചിത്രത്തിന്റെ പ്രധാന ആകർഷണം.
ഹൃദയസ്പർശിയായ അതിമനോഹരമായ മെലഡികളാണ് ചിത്രത്തിലുള്ളത്. ഓരോ ഭാഷയുടെയും തനിമ ചോർന്നുപോകാതെ, എന്നാല് ആഗോളതലത്തിലുള്ള സംഗീത പ്രേമികളെ ഒരേപോലെ ആകർഷിക്കുന്ന രീതിയിലാണ് അലക്സ് പോള് ഇതിലെ ഈണങ്ങള് ചിട്ടപ്പെടുത്തിയിരിക്കുന്നത്. സംഗീതത്തിനൊപ്പം തന്നെ വരികളുടെ ഭംഗിയും ഈ ഗാനങ്ങളെ ഒന്നിനൊന്ന് മികച്ചതാക്കുന്നു. പ്രണയത്തിന്റെ ആഴവും തീവ്രതയും ഒപ്പിയെടുക്കുന്ന വരികളും മാസ്മരിക ഈണങ്ങളും ചേരുമ്പോള് പ്രേക്ഷകർക്ക് ഇതൊരു പുത്തൻ അനുഭവമായിരിക്കുമെന്ന് അണിയറക്കാര് പറയുന്നു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
റിലീസിന് മുൻപ് തന്നെ വലിയ പ്രതീക്ഷകള് ഉണർത്തുന്ന ഈ ഗാനങ്ങള്, റിലീസാകുന്നതോടെ സംഗീത ചാർട്ടുകളില് ഒന്നാമതെത്തുമെന്നും ചിത്രത്തിന് വലിയ കളക്ഷൻ റെക്കോർഡുകള് നേടിക്കൊടുക്കാൻ സഹായിക്കുമെന്നുമാണ് അണിയറപ്രവർത്തകരുടെ വിശ്വാസം. വ്യത്യസ്തമായ ഈ സംഗീത പരീക്ഷണം തിയറ്ററുകളിലും തരംഗം സൃഷ്ടിക്കുമെന്ന പ്രതീക്ഷയിലാണ് സിനിമാ ലോകം. ഗാനങ്ങളുടെ ഔദ്യോഗിക റിലീസ് തീയതി ഉടൻ പ്രഖ്യാപിക്കും. പി ആർ ഓ- എ എസ് ദിനേശ്, മനു ശിവൻ.
9000+ മാഗസിൻസ് എക്സ്പ്ലോർ ചെയ്യുക