കോട്ടയം : അന്താരാഷ്ട്ര വിപണിയിൽ റബ്ബർ ഷീറ്റ് വില മുന്നൂറുകടന്നതോടെ വിപണിയിലെ റബ്ബർ ഷീറ്റ് സ൦ഭരണത്തിൽ ടയർ കമ്പനികൾ വിട്ടു നിൽക്കുകയാണ് എന്ന് കർഷക കോൺഗ്രസ് നേതാവ് എബി ഐപ്പ് ആരോപിച്ചു. കമ്പനി ഡീലർമാരുടെ കൈവശമുള്ള കുറഞ്ഞവിലയ്ക്ക് സ൦ഭരിച്ചഷീറ്റു൦ നോർത്ത് ഈസ്റ്റിൽനിന്നു൦ എത്തുന്ന ഷീറ്റു൦ ഉപയോഗിച്ചാണ് കമ്പനികളുടെ പ്രവർത്തനം നടക്കുന്നത്. വിപണിയിലെ ഇപ്പോഴത്തെ നില തുടർന്നാൽ ആഭ്യന്തര വിപണിയിലെ ഷീറ്റുവില ചുരുങ്ങിയ ദിവസങ്ങൾക്ക് ഉള്ളിൽ മുന്നൂറു കടക്കേണ്ടതാണ്. ഇതു തടയുക എന്ന ലക്ഷ്യത്തോടെയാണ് പുതിയ നീക്കവുമായി ഇവർ ഇറങ്ങിയിരിക്കുന്നത് റബ്ബർ വിപണിയിൽ ഇടപെടൽ സർക്കാർ തയ്യാറാകണമെന്ന് ആവശൃപ്പെട്ടു മുഖ്യമന്ത്രിക്കു നിവേദനം നൽകിയതായു൦ എബി ഐപ്പ് പറഞ്ഞു.
Advertisements