തിരുവനന്തപുരം: ക്ഷേത്രങ്ങളിലെ ശാന്തി നിയമനത്തിൽ ബ്രാഹ്മണർ മാത്രം നിബന്ധനയാക്കാനാകില്ലെന്ന തീരുമാനം ഹൈക്കോടതി നിലനിർത്തി. തിരുവിതാംകൂർ ദേവസ്വം ബോർഡിൻ്റെ ജൂനിയർ ശാന്തി നിയമന ചട്ടത്തിൽ വരുത്തിയ മാറ്റം നിയമപരമാണെന്ന് ഡിവിഷൻ ബെഞ്ച് സ്ഥിരീകരിച്ചു.അഖില കേരള തന്ത്രി സമാജം സമർപ്പിച്ച ഹർജി കോടതി തള്ളി. താന്ത്രിക വിദ്യയിൽ പ്രാവീണ്യം നേടിയവർക്ക് മാത്രമേ നിയമനം ലഭിക്കൂ എന്ന മുൻ ചട്ടം മാത്രം ബാധകമാണെന്നും ഹൈക്കോടതി വ്യക്തമാക്കി.ഡിവിഷൻ ബെഞ്ച് അംഗങ്ങൾ ജസ്റ്റിസ് വി.രാജാവിജയരാഘവൻ, കെ.വി. ജയകുമാർ എന്നിവർ ആണ്.
കോടതി ശാന്തി നിയമനത്തിൽ ജാതിയും പാരമ്പര്യവും മാനദണ്ഡമല്ലെന്ന് വ്യക്തമാക്കി.2024-ൽ സമാജം സമർപ്പിച്ച ഹർജിയിൽ “ദേവസ്വം റിക്രൂട്ട്മെന്റ് പ്രസിദ്ധീകരിച്ച യോഗ്യതകള് ഭരണഘടനാവിരുദ്ധം” എന്ന് വാദിച്ചിരുന്നു. എന്നാൽ കോടതിയുടെ നിർണയം, ജാതി അടിസ്ഥാനമല്ല, ഗുണകർമ്മത്തെ അടിസ്ഥാനമാക്കി നിയമനം നൽകണം എന്നതാണ്.ഹൈക്കോടതി ഒരു വർഷത്തോളമായി റാങ്ക് ലിസ്റ്റ് സ്റ്റേ ചെയ്തിരുന്ന നടപടിയും ഇതോടെ പരിഹരിക്കപ്പെടുന്നു. റാങ്ക് ലിസ്റ്റിലുള്ള ഉദ്യോഗാർത്ഥികൾക്ക് അഡ്വൈസ് മെമ്മോ പുറത്തിറക്കി, നിയമനം നൽകുന്നതിന് ഇനി തടസ്സമില്ല.