പാലാ:കേരള സന്ദർശനത്തിന്റെ ഭാഗമായി രാഷ്ട്രപതി ദ്രൗപതി മുർമു എത്തിച്ചേർന്നപ്പോൾ പാലാ നഗരവും കോട്ടയവും ആവേശത്തിലായിരുന്നു. രാഷ്ട്രപതിയുടെ യാത്രയ്ക്കായി വ്യോമസേന ഒരുക്കിയത് മൂന്ന് എം.ഐ-17-വി-5 ഹെലികോപ്റ്ററുകൾ അടങ്ങുന്ന വ്യൂഹമായിരുന്നു. ഇതിൽ ഒന്നിൽ രാഷ്ട്രപതിയും ബാക്കി രണ്ട് ഹെലികോപ്റ്ററുകൾ അകമ്പടിയുമായി സഞ്ചരിച്ചു. അടിയന്തിര സാഹചര്യം നേരിടാനായി മറ്റൊരു ഹെലികോപ്റ്ററും കൂടെയുണ്ടായിരുന്നു.രാഷ്ട്രപതിയുടെ വിമാനവ്യൂഹം ആകാശത്തുകൂടി പറന്നതോടെ പാലായിലും കോട്ടയത്തും ജനങ്ങൾ ആവേശത്തോടെ കൂട്ടം ചേർന്നു. വൈകുന്നേരം കഴിഞ്ഞും ഹെലികോപ്റ്ററുകൾ കാണാൻ ആളുകൾ ഒഴുകിയെത്തി. രണ്ട് ഹെലികോപ്റ്ററുകൾ പാലാ സെൻറ് തോമസ് കോളജ് ഗ്രൗണ്ടിലും മറ്റു രണ്ടും കോട്ടയം പൊലീസ് പരേഡ് ഗ്രൗണ്ടിലുമാണ് രാത്രി സൂക്ഷിച്ചത്. പരേഡ് ഗ്രൗണ്ടിൽ പൊലീസ് ആരെയും അകത്തേക്ക് കടത്തിവിടാതിരുന്നിട്ടും, റോഡരികിൽ നിന്നുകൊണ്ട് ഹെലികോപ്റ്ററുകൾ കാണാനെത്തിയവരുടെ തിരക്ക് ഒട്ടും കുറവായിരുന്നില്ല. കനത്ത സുരക്ഷാ സംവിധാനത്തിനിടയിലാണ് ഹെലികോപ്റ്ററുകൾ സൂക്ഷിച്ചിരുന്നത്.
പരിപാടിയിൽ നേരത്തെ എത്തി രാഷ്ട്രപതി
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
പാലാ ബിഷപ് വയലിൽ നടന്ന ചടങ്ങിലേക്ക് രാഷ്ട്രപതി നിശ്ചയിച്ചതിനേക്കാൾ 15 മിനിറ്റ് നേരത്തെ എത്തി. ഉച്ചയ്ക്ക് 3.50ന് പരിപാടി തുടങ്ങാനായിരുന്നു നിശ്ചയം, എന്നാൽ രാഷ്ട്രപതിയുടെ ഹെലികോപ്റ്റർ 3.05ന് തന്നെ ഗ്രൗണ്ടിൽ ഇറങ്ങി. കോളേജ് പാർലറിൽ കുറച്ചുനേരം ചെലവഴിച്ച ശേഷം 3.35ഓടെ വേദിയിലെത്തി.എണ്ണൂറോളം ക്ഷണിതാക്കൾക്ക് പങ്കെടുക്കാമെന്നായിരുന്നു മുൻകൂട്ടി അറിയിപ്പ്. അതനുസരിച്ച് എല്ലാവരും രണ്ട് മണിക്കൂർ മുൻപുതന്നെ ഹാളിൽ പ്രവേശിച്ചിരുന്നു. ചടങ്ങിന്റെ തുടക്കം ചെറുതായി പതറിയെങ്കിലും തുടർന്ന് എല്ലാം സുഗമമായി നടന്നു.
ദേശീയഗാനത്തിൽ ആശയക്കുഴപ്പം, മൈക്ക് തകരാറും
രാഷ്ട്രപതി ഉൾപ്പെടെ വേദിയിലെ എല്ലാവരും എത്തിയതോടെ പതിവുപോലെ ദേശീയഗാനം ആലപിക്കാൻ എല്ലാവരും എഴുന്നേറ്റു. എന്നാൽ അവതാരക ഇരിക്കാമെന്ന് അറിയിച്ചതോടെ രാഷ്ട്രപതിയുൾപ്പെടെ എല്ലാവരും സംശയത്തോടെ ഇരുന്നു. മന്ത്രി ജോർജ് കുര്യൻ ഇടപെട്ടതിന് പിന്നാലെ അവതാരക വീണ്ടും എഴുന്നേൽക്കാമെന്ന് അറിയിച്ചു.രാഷ്ട്രപതിയുടെ പ്രസംഗ സമയത്ത് മൈക്കിൽ ചെറിയ സാങ്കേതിക തകരാറുണ്ടായി. ശബ്ദം ലഭിക്കാതിരുന്നതിനാൽ എഡിസിയും മൈക്ക് ഓപ്പറേറ്ററും ഉടൻ ഇടപെട്ട് പ്രശ്നം പരിഹരിച്ചു. തുടർന്ന് പ്രസംഗം സുതാര്യമായി നടന്നു. മറ്റ് പ്രസംഗകർ ഇടത് വശത്തെ പീഠത്തിൽ നിന്നാണ് പ്രസംഗിച്ചത്, രാഷ്ട്രപതി മാത്രം വലത് വശത്തെ പീഠത്തിലാണ് പ്രസംഗിച്ചത്. ആദ്യ പ്രസംഗങ്ങൾക്കിടെ ആ മൈക്ക് ഓഫാക്കിയിരുന്നതിനാലായിരുന്നു പ്രശ്നം.