ആലപ്പുഴ: ആലപ്പുഴ തുരവൂർ ദേശീയപാതയിൽ ബൈക്കിൽ അച്ഛനൊപ്പം യാത്ര ചെയ്യവേ സ്വകാര്യ ബസ് ഇടിച്ച് 12 വയസ്സുകാരൻ ദാരുണാന്ത്യം.രാവിലെ എട്ടരയ്ക്കാണ് പത്മാക്ഷികവലയിലാണ് സംഭവം. വയലാർ 12-ാം വാർഡ് തെക്കേചെറുവള്ളിയിലെ വെളി നിഷാദിന്റെ മകൻ ശബരീശൻ അയ്യൻ (12) ആണ് മരിച്ചത്.നിഷാദ്, ശബരീശൻ അയ്യൻ, ശബരീശന്റെ സഹോദരൻ ഗൗരീഷ് നാഥ് എന്നിവർ ബൈക്കിൽ വയലാറിൽ നിന്ന് തുരവൂരിലേക്ക് പോകുന്നതിനിടെയാണ് സംഭവം നടന്നത്. സ്വകാര്യ ബസ് ബൈക്കിനെ ഇടിച്ചതോടെ ബൈക്ക് നിയന്ത്രണം വിട്ടു, പിന്നിലിരുന്ന ശബരീശൻ വഴിയിലേക്ക് തെറിച്ച് വീണു.
Advertisements
ബസിന്റെ പിൻചക്രം കയറിയിറങ്ങി ശബരീശൻ തൽക്ഷണം മരിച്ചു. നിസ്സാര പരുക്കുകളോട് നിഷാദും ഗൗരീഷ് നാഥ് തുരവൂർ ഗവ. ആശുപത്രിയിൽ ചികിൽസയിലാണ്.ശബരീശൻ അയ്യൻ പട്ടണക്കാട് ബിഷപ് മൂർ സ്കൂളിലെ അഞ്ചാം ക്ലാസ് വിദ്യാർത്ഥിയാണ്.