ദുബായ് (യുഎഇ): ദുബായ് ഗ്രാൻപ്രീ അത്ലറ്റിക്സില്‍ 800 മീറ്റർ ഓട്ടത്തില്‍ ജിൻസണ്‍ ജോണ്‍സന്റെപേരിലുള്ള ദേശീയ റെക്കോഡ് തകർത്ത് മലയാളിതാരം പി.മുഹമ്മദ് അഫ്സല്‍. ഒരു മിനിറ്റ് 45.61 സെക്കൻഡില്‍ ഓടിയ അഫ്സല്‍ വെള്ളി നേടി. മലയാളിയായ ജിൻസണ്‍ 2018-ല്‍ സ്ഥാപിച്ച റെക്കോഡാണ് (1 മിനിറ്റ് 45.65) അഫ്സല്‍ മറികടന്നത്.
Advertisements
അതേസമയം അഫ്സലിന് 2025 ലോക അത്ലറ്റിക് ചാമ്ബ്യൻഷിപ്പിന്റെ യോഗ്യതാ മാർക്ക് മറികടക്കാനായില്ല. 1:44.50 ആണ് യോഗ്യതയ്ക്കായി വേണ്ടിയിരുന്നത്. കെനിയൻ താരം നിക്കൊളാസ് കിപ്ലഗാറ്റാണ് ഒന്നാമതെത്തിയത്. 1 മിനിറ്റ് 45.38 സെക്കൻഡിലാണ് താരം ഫിനിഷ് ചെയ്തത്. 200 മീറ്ററില്‍ ഇന്ത്യയുടെ അനിമേഷ് കുജുർ 20.45 സെക്കൻഡില്‍ സ്വർണം നേടി.