ചൂടുള്ള പാലിൽ വീണ് ഒന്നര വയസ്സുള്ള കുഞ്ഞിന് ദാരുണാന്ത്യം.

ബംഗളൂരു:ചൂടുള്ള പാലിൽ വീണ് ഒന്നര വയസ്സുള്ള കുഞ്ഞിന് ദാരുണാന്ത്യം. ബെംഗളൂരുവിലെ അനന്തപുരിലെ ഒരു സ്വകാര്യ സ്കൂളിലാണ് സംഭവം. കുഞ്ഞിന്റെ അമ്മ ഈ സ്കൂളിലാണ് ജോലി ചെയ്യുന്നത്. ഇവർ കുഞ്ഞുമായിട്ടാണ് ജോലിക്ക് വരാറുള്ളത്. ഇതിനിടെ അമ്മ സ്‌കൂളിലെ കുട്ടികൾക്ക് കൊടുക്കാനുള്ള പാൽ ചൂടാറാൻ വലിയ പാത്രത്തിൽ വെച്ചിരുന്നു. ഇതിലേക്ക് കളിച്ചുകൊണ്ടിരിക്കെ കുട്ടി അബദ്ധത്തിൽ വീഴുകയായിരുന്നു.ചൂടുള്ള പാലിൽ വീണതോടെ കുഞ്ഞിന്റെ ശരീരമാസകലം പൊള്ളലേറ്റു. ഉടൻ തന്നെ അമ്മയും സ്‌കൂൾ അധികൃതരും കുഞ്ഞിനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പാൽ ചൂടാറാൻ വെച്ചിരുന്ന വലിയ പാത്രത്തിനടുത്തായിരുന്നു കുഞ്ഞ് കളിച്ചുകൊണ്ടിരുന്നത്