അടുത്തിടെ ഷെഫാലി എന്ന മോഡല് ഹാര്ട്ട് അറ്റാക്ക് വന്ന് മരണമടഞ്ഞു. ഇവര് ആന്റി ഏജിംഗ് ചികിത്സ നടത്താറുണ്ടെന്നും വൈറ്റമിന് സി, ഗ്ലൂട്ടാത്തിയോണ് എന്നിവ ഉപയോഗിയ്ക്കാറുണ്ടെന്നും വാര്ത്തകളുണ്ട്. ഇവ ഉപയോഗിച്ചതാണ് ഇവരുടെ നാല്പതുകളിലെ മരണത്തിന് കാരണമായതെന്ന രീതിയിലും വാര്ത്തകള് വരുന്നുണ്ട്. ഇന്നത്തെ കാലത്ത് ഗ്ലൂട്ടാത്തിയോണ് ഉപയോഗം പൊതുവേ സമൂഹത്തില് വര്ദ്ധിച്ചു വരുന്നുണ്ട്. നിറം വര്ദ്ധിപ്പിയ്ക്കാന് ഇത് സഹായിക്കുമെന്നാണ് പൊതുവേ വിശ്വസിയ്ക്കപ്പെടുന്നത്.
നിറം വര്ദ്ധിപ്പിയ്ക്കാന് ഏററവും പ്രചാരത്തിലുള്ളത് ഗ്ലൂട്ടാത്തയോണ് ഇഞ്ചക്ഷനുകളാണ്. ഗ്ലൂട്ടാത്തയോണ് (Glutathione) ഒരു ശക്തമായ ആന്റിഓക്സിഡന്റാണ്, ഇത് മനുഷ്യശരീരം സ്വാഭാവികമായി ഉത്പാദിപ്പിക്കുന്നു. ഇത് കോശങ്ങളെ ഓക്സിഡേറ്റീവ് സ്ട്രെസ്സിൽ നിന്നും രോഗങ്ങളിൽ നിന്നും സംരക്ഷിക്കുന്നു. പിന്നീട്, ഇത് ത്വക്കിന്റെ നിറം വര്ദ്ധിപ്പിയ്ക്കാനും ചെറുപ്പത്തിനും സഹായിക്കുന്നുവെന്നാണ് പഠനങ്ങള് പറയുന്നത്. ഇത് ശരീരത്തിലെ ഫ്രീ റാഡിക്കലുകളെ എതിർത്ത് സെല്ലുകളെ ക്ഷതമാകുന്നതിൽ നിന്ന് സംരക്ഷിക്കുന്നു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഇത് രോഗപ്രതിരോധ ശക്തി വർദ്ധിപ്പിക്കുകയും, ലിവർ ഡിടോക്സിഫിക്കേഷനെ സഹായിക്കുകയും, ചർമ്മത്തിന് ആരോഗ്യം നൽകുകയും ചെയ്യുന്നു. ശരീരം സ്വാഭാവികമായി ഗ്ലൂട്ടാത്തയോണ് ഉത്പാദിപ്പിക്കുന്നെങ്കിലും, പ്രായം, ക്ഷീണം, അസുഖം തുടങ്ങിയവ ഇതിൻ്റെ അളവ് കുറയ്ക്കാം.
എന്നാല് ഗ്ലൂട്ടാത്തയോണ് പലര്ക്കും പല തരത്തിലെ ആരോഗ്യ പ്രശ്നങ്ങളും ഉണ്ടാക്കുന്നുണ്ട്. ഗ്ലൂട്ടാത്തയോണ് നാച്വറലായി ലഭിയ്ക്കുന്നത് ആരോഗ്യകരമാണെങ്കിലും ഇത് കൃത്രിമമായി, അതായത് ഇഞ്ചക്ഷനുകളിലൂടെയോ മറ്റോ ശരീരത്തില് എത്തുന്നത് അത്രകണ്ട് ആരോഗ്യകരമല്ലെന്ന് തന്നെ പറയണം. പ്രത്യേകിച്ചും ആരോഗ്യപ്രശനങ്ങള് ഉള്ളവര്ക്ക്. ഇപ്പോഴും ഇവയുടെ സുരക്ഷിതമായ അളവിനെ കുറിച്ചുള്ള ശാസ്ത്രീയ തെളിവുകൾ പരിമിതമാണ്.യാതൊരു കാരണവശാലും വിദഗ്ധനായ ഡോക്ടറുടെ നിര്ദേശപ്രകാരമല്ലാതെ ഇത് ഉപയോഗിയ്ക്കരുത്.
ഗ്ലൂട്ടാത്തയോണ്ഇഞ്ചക്ഷനുകൾ മുഖേന എടുത്താൽ അതിന്റെ ദൈർഘ്യമേറിയ ഉപയോഗം കുറെ അപകടങ്ങൾക്കിടയാകാം. ചിലർക്ക് ഗ്ലൂട്ടാത്തയോണ് ഇഞ്ചക്ഷൻ അല്ലെങ്കിൽ ക്രീമുകൾ കാരണം ചൊറിച്ചിൽ,അലര്ജി പ്രശ്നങ്ങള് എന്നിവ ഉണ്ടാകാം. അമിതമായി ഉപയോഗിച്ചാൽ കരളിന് ഇത് ബുദ്ധിമുട്ടുണ്ടാക്കാം.
ദീർഘകാല ഉപയോഗം കിഡ്നി പ്രവർത്തനത്തെ ബാധിക്കും.ഉപയോഗം നിർത്തിയാൽ ത്വക്കിന്റെ നിറം വീണ്ടും മങ്ങാം.
ബ്രോക്കോളി
ഭക്ഷണത്തിലൂടെ ഗ്ലൂട്ടത്തയോണിൻ്റെ ഉറവിടങ്ങൾ സ്വീകരിച്ച് ഇതിൻ്റെ അളവ് വർദ്ധിപ്പിക്കാം.ശരീരത്തിലെ ഗ്ലൂട്ടത്തയോണിൻ്റെ അളവ് പ്രകൃതിദത്ത ഭക്ഷണങ്ങൾ, ആരോഗ്യകരമായ ജീവിതശൈലി എന്നിവ വഴി നിലനിർത്താം. സൾഫർ അടങ്ങിയ പച്ചക്കറികൾ, ഗുണമേന്മയുള്ള പ്രോട്ടീനുകൾ, ആൻറി ഓക്സിഡൻറ് പഴങ്ങൾ എന്നിവ ഭക്ഷണത്തിൽ ഉൾപ്പെടുത്തി ആരോഗ്യം സംരക്ഷിക്കാം. സൾഫർ ഗ്ലൂട്ടത്തയോൺ ഉത്പാദനത്തിന് അത്യാവശ്യമാണ്. ഇവ ഉൾപ്പെടുന്നു. വെളുത്തുള്ളി, ഉള്ളി, ബ്രോക്കോളി, ഫ്ലവർ, കാബേജ്, കോൾഫ്ലവർ എന്നിവ ഇതില് പെടുന്നു. പ്രോട്ടീൻ സമ്പുഷ്ടമായ ഭക്ഷണങ്ങളിൽ ഗ്ലൂട്ടത്തിയോൺ അടങ്ങിയിട്ടുണ്ട്.
ചിക്കൻ, ടർക്കി, ട്യൂണ, സാൽമൺ, മുട്ട, ചില പഴങ്ങളും പച്ചക്കറികളും ഗ്ലൂട്ടത്തയോൺ ഉത്പാദനത്തെ പ്രോത്സാഹിപ്പിക്കുന്നു: അവോക്കാഡോ, സ്പിനാച്ച്, ആസ്പാരാഗസ്, തക്കാളി, സ്ട്രോബെറി, വാട്ടർമെലൺഎന്നിവയില് ഇതുണ്ട്. തുളസി, മഞ്ഞൾ, മിൽക്ക് തിസിൽ എന്നിവയിലും ഇതുണ്ട്. വിറ്റാമിൻ സി, സെലിനിയം എന്നിവ ഗ്ലൂട്ടത്തയോണിൻ്റെ പ്രവർത്തനം മെച്ചപ്പെടുത്തുന്നു.നല്ല ഉറക്കം ഗ്ലൂട്ടത്തയോൺ നന്നായി ഉത്പാദിപ്പിക്കാൻ സഹായിക്കുന്നു. വ്യായാമം ഓക്സിഡേറ്റീവ് സ്ട്രെസ് കുറയ്ക്കുന്നു.
ഗ്ലൂട്ടാത്തയോണ് പോലുള്ളവ യാതൊരു കാരണവശാലും വൈദഗ്ധ്യമില്ലാത്തവരില് നിന്നും സ്വീകരിയ്ക്കരുത്. ഇത് അത്ര അത്യാവശ്യമെങ്കില് മാത്രമേ ഉപയോഗിയ്ക്കേണ്ടതുള്ളൂ. തികച്ചും നാച്വറല് വഴികളിലൂടെ ഇവ ശരീരത്തില് എത്തുന്നതാണ് ഏറ്റവും നല്ലത്. ഇത് ഏത് സൗന്ദര്യവര്ദ്ധക വസ്തുക്കളെങ്കിലും. ഡോക്ടറുടെ അഭിപ്രായം തേടി മാത്രം ഇത്തരം കൃത്രിമ വഴികള് പരീക്ഷിയ്ക്കുന്നതാണ് നല്ലത്. പ്രത്യേകിച്ചും രോഗമുള്ളവരെങ്കില്. സൗന്ദര്യവര്ദ്ധനവിന് കൃത്രിമ വഴികള് തേടി ആരോഗ്യം കളയുന്നത് നല്ല പ്രവണതയല്ലെന്ന് ഓര്ക്കുക.