അകാലനര തടയണോ? ഈ അഞ്ച് പോഷകങ്ങൾ ഡയറ്റിൽ ഉൾപ്പെടുത്തൂ

ചെറുപ്പക്കാരിൽ ഇന്ന് അകാലനര വർദ്ധിച്ചുവരികയാണ്. സമ്മർദ്ദവും ജീവിതശൈലിയും ഒരു പ്രധാന ഘടകമാണെങ്കിലും, ഭക്ഷണക്രമവും പോഷകാഹാരവും ഒരു പ്രധാന പങ്ക് വഹിക്കുന്നു. മുടിയുടെ അകാല നരയിൽ പോഷകാഹാരത്തിന് വലിയ പങ്കുണ്ട്. ടില വിറ്റാമിനുകളുടെ കുറവ് കൊണ്ടും അകാലനര ഉണ്ടാകാം. അകാലനരയെ അകറ്റാനും ആരോഗ്യമുള്ള തലമുടിക്കുമായി വിറ്റാമിനുകൾ അടങ്ങിയ ഭക്ഷണങ്ങൾ ഡയറ്റിൽ ഉൾപ്പെടുത്തുക. അകാലനര അകറ്റുന്നതിന് സഹായിക്കുന്ന അഞ്ച് പോഷകങ്ങളെ കുറിച്ചാണ് ഇനി പറയുന്നത്…

ഒന്ന്

കെരാറ്റിൻ ഒരു നാരുകളുള്ള പ്രോട്ടീനാണ്. ഇത് മുടി ഉൾപ്പെടെ ശരീരത്തിന്റെ വിവിധ ഭാഗങ്ങളെ ശക്തിപ്പെടുത്തുകയും പിന്തുണയ്ക്കുകയും ചെയ്യുന്നു. മുട്ട, കോഴി, മത്സ്യം, പയർവർഗ്ഗങ്ങൾ, നട്‌സ് എന്നിവയുടെ രൂപത്തിൽ പ്രോട്ടീൻ അടങ്ങിയ ഭക്ഷണക്രമം അത്യാവശ്യമാണ്.

രണ്ട്

പാന്റോതെനിക് ആസിഡ് അല്ലെങ്കിൽ വിറ്റാമിൻ ബി 5 മുടിയുടെ വളർച്ചയ്ക്കും പരിപാലനത്തിനും അത്യാവശ്യമാണ്. കെരാറ്റിന്റെ പ്രധാന ഘടകം പാന്റോതെനിക് ആസിഡ് എന്നും അറിയപ്പെടുന്ന വിറ്റാമിൻ ബി 5 ആണ്.

മൂന്ന്

ഫോളിക് ആസിഡ് അകാലനരയുടെ തോത് കുറയ്ക്കുന്നതിനും സഹായിക്കുന്നു. ഫോളേറ്റിന്റെ കുറവുണ്ടെങ്കിൽ, സപ്ലിമെന്റുകൾ കഴിക്കുന്നത് പുതിയ മുടി വളരാൻ സഹായിക്കും. ചീര, ഉലുവ, കടുക്, പയർ, ചെറുപയർ, ബീൻസ്, കടല, ഓറഞ്ച്, മുന്തിരി, നാരങ്ങ, ബദാം, നിലക്കടല, സൂര്യകാന്തി വിത്തുകൾ, മത്തങ്ങ തുടങ്ങിയ ഭക്ഷണങ്ങളിൽ ഫോളിക് ആസിഡ് കൂടുതലാണ്.

നാല്

സിങ്ക് മുടിയുടെ ആരോഗ്യത്തിന് അത്യന്താപേക്ഷിതമായ ഒരു പോഷകമാണ്. സിങ്കിന്റെ കുറവ് മുടികൊഴിച്ചിലിനും കേടുപാടുകൾക്കും ഇടയാക്കും. മത്തങ്ങ, സൂര്യകാന്തി, തണ്ണിമത്തൻ, പിസ്ത, ബദാം, എള്ള് എന്നിവയെല്ലാം സിങ്ക് അടങ്ങിയ ഭക്ഷണങ്ങളാണ്.

അഞ്ച്

വിറ്റാമിൻ ഡിയുടെ കുറവ് മുടിയുടെ അകാല നരയ്ക്കും മെലാനിൻ ഉൽപാദനം കുറയുന്നതിനും കാരണമാകുമെന്ന് കണ്ടെത്തിയിട്ടുണ്ട്, ഇവ രണ്ടും മുടിയുടെ ആരോഗ്യത്തിന് ഹാനികരമാണ്. അതിനാൽ, സൂര്യപ്രകാശത്തിൽ ഇരുന്ന് പോഷകസമൃദ്ധമായ ഭക്ഷണങ്ങൾ, കൊഴുപ്പുള്ള മത്സ്യം, മുട്ടകൾ തുടങ്ങിയവ കഴിക്കുന്നത് വളരെയധികം ഗുണം ചെയ്യും.

ആറ്

വിറ്റാമിൻ ബി7 എന്നും അറിയപ്പെടുന്ന ബയോട്ടിൻ മുടിയുടെ വളർച്ചയ്ക്കും ശക്തിക്കും അത്യന്താപേക്ഷിതമാണ്, കാരണം ഇതിന്റെ കുറവ് മുടി കൊഴിച്ചിലിനും അകാല നരയ്ക്കും കാരണമാകും. നട്‌സ്, വിത്തുകൾ, ധാന്യങ്ങൾ, പയർവർഗ്ഗങ്ങൾ, ഇലക്കറികൾ എന്നിവ കഴിക്കുക.