കോവിഡിന് ശേഷം ചെറുപ്പക്കാരിൽ ഹൃദയാഘാതം വർധിക്കുന്നു; ആരോഗ്യസംരക്ഷണത്തിന് വിദഗ്ധർ മുന്നറിയിപ്പ്

ഹെൽത്ത്‌ ഡെസ്ക്:കോവിഡ് മഹാമാരിക്ക് പിന്നാലെ 30–40 പ്രായപരിധിയിലുള്ളവരിൽ ഹൃദയാഘാതങ്ങൾ ഗണ്യമായി വർധിക്കുന്നതിനെക്കുറിച്ച് വിവിധ അന്താരാഷ്ട്ര, ദേശീയ പഠനങ്ങൾ മുന്നറിയിപ്പ് നൽകുന്നു. കോവിഡ് ഭേദമായെങ്കിലും അതിന് പിന്നാലെ ദീർഘകാല ഹൃദയസംബന്ധമായ പ്രശ്നങ്ങൾ ഉയർന്നുവരുന്നതായി പഠനങ്ങൾ വ്യക്തമാക്കുന്നു.

യുവാക്കളിൽ ഹൃദയാഘാതം: പഠനങ്ങളിൽ ഞെട്ടിക്കുന്ന കണക്ക്

ഇന്ത്യയിലെ ടെർഷിയറി ഹോസ്പിറ്റൽ ഡാറ്റപ്രകാരം 2021–23 കാലഘട്ടത്തിൽ കോവിഡ് ബാധയ്ക്ക് ശേഷം 40 വയസിന് താഴെയുള്ളവരിൽ ഹൃദയാഘാത സംഭവങ്ങൾ ശ്രദ്ധേയമായി ഉയർന്നിട്ടുണ്ട്.അമേരിക്കയിലെ CDC നടത്തിയ പഠനവും കോവിഡ് കഴിഞ്ഞ് യുവാക്കളിലെ ഹൃദയാഘാത സാധ്യത രണ്ടുമുതൽ മൂന്നിരട്ടി വരെ വർധിച്ചിട്ടുണ്ടെന്ന് കണ്ടെത്തി.യുകെ ബയോബാങ്ക് പഠനം കോവിഡ് ബാധയ്ക്ക് ശേഷം 12 മാസത്തിനുള്ളിൽ ഹാർട്ട് അറ്റാക്കും സ്‌ട്രോക്കും 50% വരെ കൂടുതലായി റിപ്പോർട്ട് ചെയ്യുന്നു.കോവിഡ് ബാധിച്ച 1.5 ലക്ഷം പേരെ ഉൾപ്പെടുത്തി നടത്തിയ മറ്റൊരു പഠനത്തിൽ, മുമ്പ് ഹൃദ്രോഗമില്ലാത്തവരിലുപോലും മയോകാർഡിയൽ ഇൻഫ്രാക്ഷൻ, ഹൃദയസ്തംഭനം, പക്ഷാഘാതം എന്നിവയ്ക്കുള്ള അപകടസാധ്യത ഗണ്യമായി ഉയർന്നതായി കണ്ടെത്തി. ഈ അപകടസാധ്യത മൂന്ന് വർഷം വരെ നിലനിൽക്കുമെന്നതും പഠനം മുന്നറിയിപ്പുയർത്തുന്നു.

എന്തുകൊണ്ട് കോവിഡ് ഹൃദയത്തെ ബാധിക്കുന്നു?

തുടക്കത്തിൽ ശ്വാസകോശ രോഗമായി കരുതിയിരുന്നെങ്കിലും കോവിഡ് വൈറസ് ഹൃദയത്തെയും രക്തക്കുഴലുകളെയും ഗുരുതരമായി ബാധിക്കുന്നതായി പിന്നീട് വ്യക്തമായി.•

ഹൃദയപേശി വീക്കം (മയോകാർഡൈറ്റിസ്)•

ഹൃദയ അറകളുടെ സങ്കോചനക്ഷയം•

സ്പന്ദനത്തിന്റെ താളം തെറ്റൽ•

പെരികാർഡിയൽ എഫ്യൂഷൻ•

രക്തക്കുഴലുകളിൽ വീക്കം•

രക്തം കട്ടപിടിക്കൽ വർധിക്കൽ

ഇവയൊക്കെയാണ് ഹൃദയാഘാത സാധ്യത ഉയർത്തുന്ന പ്രധാന ഘടകങ്ങൾ.പ്രത്യേകിച്ച് എൽഡിഎൽ കൊളസ്‌ട്രോൾ, പൊണ്ണത്തടി, പ്രമേഹം, ഹൈപ്പർടെൻഷൻ പോലുള്ള മുൻനിർണ്ണയിക്കാത്ത രോഗങ്ങൾ ഉണ്ടായിരുന്നവരിൽ അപകടസാധ്യത കൂടുതൽ ആണെന്ന് വിദഗ്ധർ ചൂണ്ടിക്കാണിക്കുന്നു.

കോവിഡിന് ശേഷം ഹൃദയാരോഗ്യം സംരക്ഷിക്കാൻ എന്ത് ചെയ്‌യണം?

വിദഗ്ധർ നിർദേശിക്കുന്ന മുൻകരുതൽ നടപടികൾ:

ശരീര സംരക്ഷണം

ദിവസവും 7–8 മണിക്കൂർ ഉറക്കം ഉറപ്പാക്കുക

സ്ഥിരം മിതമായ എറോബിക് വ്യായാമം (അതിർത്തി കടക്കുന്ന കഠിന വർക്കൗട്ടുകൾ ഒഴിവാക്കുക)

പഴം, പച്ചക്കറി, ധാന്യങ്ങൾ എന്നിവ അടങ്ങിയ സമീകൃതാഹാരം

ഫാസ്റ്റ് ഫുഡ്, വറുത്ത ഭക്ഷണം, അമിതപഞ്ചസാര എന്നിവ ഒഴിവാക്കുക

ഹൃദയ സംരക്ഷണം

നെഞ്ചുവേദന, ശ്വാസംമുട്ടൽ, കൂട്ടിയ നെഞ്ചിടിപ്പ് തുടങ്ങിയ ലക്ഷണങ്ങൾ കണ്ടാൽ ഉടൻ ഡോക്ടറെ സമീപിക്കു

കരക്തസമ്മർദം, കൊളസ്‌ട്രോൾ, ബ്ലഡ് ഷുഗർ എന്നിവ നിരന്തരം പരിശോധിച്ച് നിയന്ത്രിക്കുക

ആവശ്യമെങ്കിൽ എക്കോ, ടി.എം.ടി എന്നിവയുളള കാർഡിയോളജി പരിശോധനകൾ ചെയ്യുക

ശ്വാസകോശാരോഗ്യം

സ്ഥിരചുമ, ശ്വാസതടസം തുടങ്ങിയ ലക്ഷണങ്ങൾ ഉണ്ടെങ്കിൽ പൾമണോളജിസ്റ്റിനെ കാണുക

പുകവലി മുഴുവൻ ഒഴിവാക്കണം

മാനസികാരോഗ്യം

കോവിഡ് കഴിഞ്ഞുണ്ടാകുന്ന ഉത്കണ്ഠ, വിഷാദം എന്നിവ കുറയ്ക്കാൻ

മെടിറ്റേഷൻ, യോഗ, സുഹൃത്തുക്കളുമായുള്ള ആശയവിനിമയം എന്നിവ സഹായകരം