പിത്തനാളിയിലെ ക്യാൻസർ: പ്രാരംഭ ലക്ഷണങ്ങൾ വളരെ ചെറുത് ; ഈ ആറു ലക്ഷണങ്ങൾ അവഗണിക്കരുതേ…
കരളും പിത്താശയവും തമ്മിൽ ബന്ധിപ്പിക്കുന്ന ചെറിയ കുഴലുകളാണ് പിത്തനാളികൾ അഥവാ ബൈൽ ഡക്ട്സ്. ദഹനപ്രക്രിയയിൽ ഇവയ്ക്ക് പ്രധാന പങ്കുണ്ട്. കൊഴുപ്പ് വിഘടിപ്പിക്കാൻ സഹായിക്കുന്ന പിത്തരസം (Bile) കൊണ്ടുപോകുന്നത് ഈ കുഴലുകളാണ്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
രോഗം മൂർച്ഛിക്കുമ്പോൾ ഇത് കൂടുതൽ അപകടകരമാകും. കാരണം, ആ ഘട്ടത്തിൽ പലപ്പോഴും ശസ്ത്രക്രിയ ചെയ്യാൻ കഴിയാത്ത അവസ്ഥയിലായിരിക്കും. അതോടെ ചികിത്സ വളരെ ബുദ്ധിമുട്ടാകും.
രോഗത്തിന്റെ പ്രാരംഭ ലക്ഷണങ്ങൾ വളരെ ചെറുതായതിനാൽ തിരിച്ചറിയാൻ പ്രയാസമാണ്. എങ്കിലും, സാധാരണയായി കാണുന്ന ചില ലക്ഷണങ്ങൾ ഇവയാണ്:
ക്ഷീണം, വയറുവേദന
1. അസാധാരണമായ ക്ഷീണം
2. വാരിയെല്ലുകൾക്ക് താഴെ വേദന
3. വയറുവേദന
4. വിശപ്പില്ലായ്മ
5. പനിയോ ഛർദ്ദിയോ
6. ശരീരഭാരം കുറയുന്നത്
മഞ്ഞപ്പിത്തം
രോഗം മൂർച്ഛിക്കുമ്പോൾ മഞ്ഞപ്പിത്തത്തിന്റെ ലക്ഷണങ്ങൾ കാണാം. ഇതിൽ ചർമ്മത്തിനും കണ്ണിനും മഞ്ഞനിറം വരും. അതോടൊപ്പം ചർമ്മത്തിൽ ചൊറിച്ചിൽ, ഇളം നിറത്തിലുള്ള മലം, കടുത്ത നിറത്തിലുള്ള മൂത്രം എന്നീ ലക്ഷണങ്ങളും കാണാം.
ലിവർ ഫംഗ്ഷൻ ടെസ്റ്റിലൂടെയും മറ്റ് പരിശോധനകളിലൂടെയും ഡോക്ടർമാർക്ക് ഈ രോഗം കണ്ടെത്താനാകും. ബൈൽ ഡക്ട് ക്യാൻസർ അപൂർവ്വമാണെങ്കിലും, ഇത് കണ്ടെത്താനും ചികിത്സിക്കാനും വൈകുന്നത് ജീവന് ഭീഷണിയാകാം. ശരിയായ സമയത്ത് ചികിത്സ തേടിയാൽ രോഗം നിയന്ത്രിക്കാൻ സാധിക്കും.