ഹെൽത്ത് ഡെസ്ക്: ശരീരത്തിൻ്റെ നിലനിൽപ്പിന് അനിവാര്യമായ ഘടകമാണ് വെള്ളം. സസ്യങ്ങളായാലും മൃഗങ്ങളായാലും മനുഷ്യരായാലും ജീവന്റെ അടിത്തറയായി നിലകൊള്ളുന്നത് വെള്ളമാണ്. ആവശ്യത്തിന് വെള്ളം കുടിക്കാത്തത് ശരീരത്തിനും മനസ്സിനും ഗുരുതരമായ ആഘാതങ്ങൾ സൃഷ്ടിക്കുമെന്ന് ആരോഗ്യ വിദഗ്ധർ മുന്നറിയിപ്പു നൽകി.ആരോഗ്യവിദഗ്ധരുടെ നിർദേശപ്രകാരം, ഒരു ആരോഗ്യവാനായ വ്യക്തി ദിവസേന കുറഞ്ഞത് എട്ട് മുതൽ പത്ത് ഗ്ലാസ് വരെ വെള്ളം കുടിക്കണം. ചൂടുള്ള കാലാവസ്ഥയിലോ വ്യായാമത്തിനിടയിലോ ബാഹ്യപ്രവർത്തനങ്ങൾ കൂടുതലുള്ള സാഹചര്യങ്ങളിലോ ഈ അളവ് കൂടുതൽ വേണമെന്ന് വിദഗ്ധർ പറയുന്നു.
വെള്ളത്തിന്റെ കുറവ് ശരീരത്തിലെ രക്തത്തിന്റെ അളവ് കുറയ്ക്കുകയും തലച്ചോറിലേക്കും പേശികളിലേക്കും ഓക്സിജന്റെ വിതരണം കുറയുകയും ചെയ്യുന്നു. ഇതാണ് ക്ഷീണം, തലകറക്കം, ബലഹീനത, ഉദാസീനത തുടങ്ങിയ പ്രശ്നങ്ങൾക്ക് കാരണമാകുന്നത്. ദാഹം അനുഭവപ്പെടുമ്പോഴേക്കും നിർജലീകരണം ശരീരത്തെ ബാധിച്ചു തുടങ്ങും.തലവേദനയും വെള്ളക്കുറവിന്റെ മറ്റൊരു പ്രധാന ലക്ഷണമാണ്. തലച്ചോറിലെ കോശങ്ങൾ ചുരുങ്ങുമ്പോൾ നാഡികൾ വലിഞ്ഞ് വേദന അനുഭവപ്പെടും. ഇതുകൂടാതെ, മൂത്രം കടുംമഞ്ഞനിറം ആയാൽ, ശരീരത്തിൽ വെള്ളം കുറയുന്നതിന്റെ സൂചനയാണെന്ന് ഡോക്ടർമാർ പറയുന്നു. മൂത്രം ഇരുണ്ടതോ ദുര്ഗന്ധമുള്ളതോ ആണെങ്കിൽ കൂടുതൽ വെള്ളം കുടിക്കേണ്ടതിന്റെ മുന്നറിയിപ്പാണ് അത്.വെള്ളം കുറയുമ്പോൾ ദഹനപ്രശ്നങ്ങളും പേശിവലിവും ഉണ്ടാകാം. മലബന്ധം, വയറുവീക്കം, ഗ്യാസ് കെട്ടൽ തുടങ്ങിയ പ്രശ്നങ്ങൾ ഇതിനോടൊപ്പം അനുഭവപ്പെടും. അതുപോലെതന്നെ വരണ്ട ചുണ്ടുകളും ചര്മ്മവും നിർജലീകരണത്തിന്റെ വ്യക്തമായ ലക്ഷണങ്ങളാണ്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
തലച്ചോറിന്റെ ഏകദേശം 75 ശതമാനം വെള്ളം കൊണ്ടാണ് നിർമ്മിതമായത്. അതിനാൽ വെള്ളം കുറയുമ്പോൾ വ്യക്തമായി ചിന്തിക്കാനും ശ്രദ്ധ കേന്ദ്രീകരിക്കാനും ബുദ്ധിമുട്ട് അനുഭവപ്പെടും. ഇതിന് പുറമെ, സമ്മർദ്ദവും ഉൽക്കണ്ഠയും ദീർഘകാല രോഗങ്ങളും ഉണ്ടാകാനുള്ള സാധ്യതയും വർധിക്കും.ഡോക്ടർമാരുടെ നിർദേശമനുസരിച്ച്, വേദനാശമന ഗുളികകൾ കഴിക്കുന്നതിന് മുൻപ് വെള്ളം കുടിക്കുന്നത് തലവേദന കുറയ്ക്കാനും ശരീരത്തിന്റെ ജലാംശം നിലനിർത്താനുമാണ് സഹായിക്കുന്നത്.അതുകൊണ്ട് തന്നെ, ദാഹം തോന്നുന്നത് വരെ കാത്തിരിക്കാതെ ദിവസേന എട്ടുമുതൽ പത്ത് വരെ ഗ്ലാസ് വെള്ളം കുടിക്കണമെന്ന് ആരോഗ്യവിദഗ്ധർ നിർദേശിക്കുന്നു. മികച്ച ആരോഗ്യത്തിനുള്ള ഏറ്റവും എളുപ്പവഴി കുടിവെള്ളമാണെന്ന് അവർ ഓർമ്മിപ്പിക്കുന്നു.