എൻ എസ് ഒ തിരുവനന്തപുരം സൗത്ത് സോൺ ക്രിക്കറ്റ് ചാമ്പ്യന്മാർ

പാലക്കാട്ട് : എൻ എസ് ഒ സൗത്ത് സോൺ ക്രിക്കറ്റ് ടൂർണമെന്റിൽ എൻ എസ് ഒ തിരുവനന്തപുരം കിരീടം നേടി. ഫൈനൽ മത്സരത്തിൽ കോഴിക്കോട് റീജിയണൽ ഓഫീസിനെ (ആർ ഒ) 16 റൺസിന് പരാജയപ്പെടുത്തിയാണ് തിരുവനന്തപുരം ടീം ജേതാക്കളായത്.

ആദ്യം ബാറ്റ് ചെയ്ത തിരുവനന്തപുരം ടീം 79 റൺസ് വിജയലക്ഷ്യമായി ഉയർത്തി. മറുപടി ബാറ്റിംഗിനിറങ്ങിയ കോഴിക്കോട് ആർ ഒ ടീമിന് 5 വിക്കറ്റ് നഷ്ടത്തിൽ 63 റൺസ് മാത്രമേ നേടാനായുള്ളു. എസ് ആർ ഒ കൊച്ചിയിലെ അനുമോദും എസ് ആർ ഒ കൊല്ലത്തിലെ ശ്രീറാമും ശ്രദ്ധേയമായ ബാറ്റിംഗ് പ്രകടനം കാഴ്ചവെച്ച് ടീമിന്റെ വിജയത്തിൽ നിർണായക പങ്കുവഹിച്ചു.

ആർ. ശരത്കുമാറിന്റെ ക്യാപ്റ്റൻസിയിൽ ഇറങ്ങിയ തിരുവനന്തപുരം ടീമിൽ ഗോകുൽ, ശ്രീറാം, അനുമോദ്, എൽബിൻ, ആനന്ദു, നന്ദു, അഖിൽ, ബിജിത്, അനൂപ്, സുഹൈൽ, ഇർഫാൻ, മുകേഷ് ശ്രീധു,എന്നിവർ അംഗങ്ങളായിരുന്നു.

ടൂർണമെന്റിലുടനീളം മികച്ച പ്രകടനം കാഴ്ചവെച്ചാണ് എൻ എസ് ഒ തിരുവനന്തപുരം സൗത്ത് സോൺ ക്രിക്കറ്റ് ചാമ്പ്യൻമാരായത്.

ടീമിന്റെ ഈ ശ്രദ്ധേയമായ നേട്ടത്തിൽ ആർ ഒ ഡി ഡി ജി വിബീഷ് ഇ എം , കൊല്ലം എഡി ജോമോൻ കുഞ്ചറകാട്ട് , കൊച്ചി എ ഡി സന്തോഷ് ഐ എസ് എസ് , കോട്ടയം എ ഡി മിസ്സ്‌ തൂലിക ഗാർഗ്‌ ഐ എസ് എസ് ,ശ്രീഹരി ( എസ് എസ് ഒ), ബിജോ ജോസഫ് (എസ് എസ് ഒ), ഡോ. സുബാഷ് (എസ് എസ് ഒ) എന്നിവർ ടീമംഗങ്ങളെയും ക്യാപ്റ്റൻ ആർ. ശരത്കുമാറിനെയും അഭിനന്ദിച്ചു. ടീമിന്റെ ഐക്യവും അർപ്പണബോധവും കായികമികവും ഈ വിജയത്തിന് വഴിയൊരുക്കിയതായി അവർ അഭിപ്രായപ്പെട്ടു.