തിരുവനന്തപുരം: ബലാത്സംഗക്കേസില് അറസ്റ്റിലായ രാഹുല് മാങ്കൂട്ടത്തില് എംഎല്എയേക്ക് മാനസിക വൈകൃതമെന്ന് യൂത്ത് കോണ്ഗ്രസ് നേതാവ് സജന ബി സാജന്. അധികാരവും സംരക്ഷണവും ഉറപ്പുള്ളതിന്റെ അഹങ്കാരത്തിലാണ് രാഹുല് ചെയ്തുകൂട്ടിയതെല്ലാമെന്നും ഇരകള് പോരാടണമെന്നും സജന ഫേസ്ബുക്കിലൂടെ വ്യക്തമാക്കി.
ഒന്നാണെങ്കില് അബദ്ധം, രണ്ടാണെങ്കില് കുറ്റം, തുടരെ തുടരെ നടത്തുന്നത് മാനസിക വൈകൃതവും അധികാരം, സംരക്ഷണം ഇവ ഉറപ്പുള്ളതിന്റെ അഹങ്കാരമാണെന്നുമാണ് സജന ഫേസ്ബുക്കില് കുറിച്ചത്. ഇരകള് പോരാടുന്നത് ഒരു കോണ്ഗ്രസ് നേതാവിനോടല്ല. അവര്ക്ക് കോണ്ഗ്രസ് നേതാക്കളുടെ സംരക്ഷണമില്ല. അവര്ക്ക് സംരക്ഷണം നല്കാന് ആരെങ്കിലുമുണ്ടെങ്കില് അവര്ക്ക് ലക്ഷ്യങ്ങള് ഉണ്ടാകുമെന്നും യൂത്ത് കോണ്ഗ്രസ് സ്ത്രീപക്ഷ നിലപാടില് തന്നെയാണെന്നും സജന പറഞ്ഞു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഫേസ്ബുക്ക് കുറിപ്പിന്റെ പൂര്ണരൂപം-
അതീവ ഗൗരവമുള്ള വിഷയങ്ങളില് പ്രതികരിക്കുക എന്നത് ഉത്തരവാദിത്വം തന്നെയാണ്. അതുകൊണ്ടാണ് ഇന്നലെകളിലും ഇന്നും പ്രതികരിക്കുന്നത്.
കൊടുംക്രൂരതയ്ക്ക് ഇതല്ലാതെ മറ്റെന്താണ് പറയേണ്ടത്.
ഒന്നാണെങ്കില് അത് അബദ്ധം,
രണ്ടാണെങ്കില് അത് കുറ്റം.
തുടരെ തുടരെ നടത്തുന്നത് മാനസിക വൈകൃതവും അധികാരം, സംരക്ഷണം ഇവ ഉറപ്പുള്ളതിന്റെ അഹങ്കാരം..
ചെന്നതുകൊണ്ടല്ലേ സംഭവിച്ചത് എന്ന ന്യായീകരണ പടയാളികള് പടച്ചുവിടുന്ന ചോദ്യത്തോട് ഒന്നേ പറയാനുള്ളൂ
‘മിട്ടായി നല്കി കൊച്ചുകുട്ടികളെ പീടിപ്പിക്കുന്ന സൈക്കോ പാത്തുക്കളെ തിരിച്ചറിയാന് കഴിയാത്ത നാട്ടില് പ്രണയം നടിച്ച് ഓരോരുത്തരെയും നശിപ്പിക്കുന്ന ഉന്നത സ്ഥാനീയനെ എങ്ങനെയാണ് ഈ പെണ്കുട്ടികള്ക്ക് തിരിച്ചറിയാന് കഴിയുക?’
സ്ത്രീ പക്ഷ നിലപാട് സ്വീകരിച്ചതിന്റെ പേരില് പാര്ട്ടിയില് ചില മാനസിക ബുദ്ധിമുട്ടുകള് ഉണ്ടായെങ്കിലും പറയുന്നത് ശരിയുടെ ബോധ്യമാണ് എന്ന തിരിച്ചറിവ് തന്നെയാണ് ആശ്വാസം..
ഇരകളെ നിങ്ങള് പോരാടുക…
നിങ്ങള് പോരാടുന്നത് ഇപ്പോള് ഒരു കോണ്ഗ്രസ് നേതാവിനോടല്ല…
അവര്ക്ക് എന്റെ നേതാക്കളുടെ സംരക്ഷണമില്ല…
അവര്ക്ക് സംരക്ഷണം നല്കാന് ആരെങ്കിലുമുണ്ടെങ്കില് അവര്ക്ക് ലക്ഷ്യങ്ങള് ഉണ്ടാകും…
രാഹുല് മങ്കൂട്ടത്തിലിനെതിരെ പ്രതികരിക്കുന്നവരെ സ്വന്തം പാളയത്തില് എത്തിക്കാനുള്ള പ്രത്യേക കഴിവുണ്ടെന്ന് നമുക്കറിയാം..
എന്നാല് എല്ലാപേരെയും ആ കണ്ണോടെ കാണരുത്…
യൂത്ത് കോണ്ഗ്രസ് സ്ത്രീപക്ഷ നിലപാടില് തന്നെയാണ്…