ന്യൂഡൽഹി:ജമ്മു കശ്മീരിലെ അനന്ത്നാഗ് സർക്കാർ ആശുപത്രിയിൽ ജോലി ചെയ്തിരുന്ന കാലത്ത്, ചെങ്കോട്ട സ്ഫോടനത്തിലെ പ്രതിയും ഡോക്ടറുമായ ഉമർ നബി മതപരമായ കർശന സമീപനങ്ങൾ പുലർത്തിയിരുന്നുവെന്ന് സഹപ്രവർത്തകർ വെളിപ്പെടുത്തി.ആശുപത്രിയിലെത്തി ചികിത്സയ്ക്ക് വരുന്ന വനിതാ രോഗികളോട് തട്ടം ശരിയായി ധരിക്കാത്തതെന്തെന്നു ചോദിച്ചിരുന്നതായും തല മൂടാത്തതിനെക്കുറിച്ച് നിരന്തരം വിധിപറഞ്ഞിരുന്നതായും സഹപ്രവർത്തകർ പറയുന്നു. കൂടാതെ, ക്ലാസ് മുറികളിൽ ആണ്കുട്ടികളെയും പെൺകുട്ടികളെയും വേർതിരിച്ച് ഇരുത്തണമെന്നാവശ്യപ്പെട്ടതായും വിവരം ലഭ്യമാണ്.
ഇത്തരത്തിലുള്ള അഭിപ്രായങ്ങളും മതപരമായ പ്രചാരണങ്ങളുമായി രോഗികളെ സമീപിച്ചതിനെ തുടർന്നു മാനേജ്മെന്റ് അദ്ദേഹത്തെ ആശുപത്രിയിൽ നിന്ന് പുറത്താക്കുകയായിരുന്നു. തുടർന്ന്, ഉമർ നബി ഫരീദാബാദിലെ അൽ ഫലാഹ് സർവകലാശാലയിൽ അസിസ്റ്റന്റ് പ്രൊഫസറായി ചേർന്നു.ഇതിനിടെ, ചാവേർ ആക്രമണം രക്തസാക്ഷിത്വമാണെന്ന് പറയുന്ന ഉമറിന്റെ വീഡിയോ കഴിഞ്ഞ ദിവസം പുറത്തുവന്നു. അന്വേഷണ ഉദ്യോഗസ്ഥർ പറയുന്നതനുസരിച്ച്, ഫരീദാബാദിലെ അൽ ഫലാഹ് സർവകലാശാലയിലെ 17-ാം നമ്പർ കെട്ടിടത്തിലെ 13-ആം നമ്പർ മുറിയിലാണ് വീഡിയോ ചിത്രീകരിച്ചത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
പാകിസ്ഥാന്റെ പിന്തുണയോടെയാണ് ഉമർ ആക്രമണം ആസൂത്രണം ചെയ്തതെന്ന റിപ്പോർട്ടുകളും പുറത്തുവന്നു.ആക്രമണത്തിന് ഒരാഴ്ച മുമ്പ് പുല്വാമയിലെ കുടുംബവീട് സന്ദർശിച്ച ഉമർ, സഹോദരന് നൽകിയ ഫോണിൽ നിന്നാണ് ചാവേർ ആക്രമണങ്ങളെ ന്യായീകരിക്കുന്ന വീഡിയോകൾ അന്വേഷണക്കാർക്ക് ലഭിച്ചതെന്ന് ഉറവിടങ്ങൾ പറയുന്നു.