ഹെൽത്ത് ന്യൂസ്: പ്രമേഹം ഉള്ളതുകൊണ്ട് എല്ലാ ഭക്ഷണങ്ങളും പൂര്ണമായി ഒഴിവാക്കേണ്ടതില്ലെന്ന് ആരോഗ്യ വിദഗ്ധര്. ഇഷ്ടഭക്ഷണങ്ങള് പൂര്ണമായി ഉപേക്ഷിക്കുന്നതിലൂടെ മാത്രം പ്രമേഹത്തെ നിയന്ത്രിക്കാനാവില്ല. എന്നാല് ഭക്ഷണക്രമത്തില് ചില അടിസ്ഥാനപരമായ മാറ്റങ്ങള് വരുത്തുന്നത് രക്തത്തിലെ പഞ്ചസാരയുടെ അളവ് നിയന്ത്രിക്കാന് സഹായകരമാകുമെന്നാണ് വിദഗ്ധരുടെ വിലയിരുത്തല്.പ്രമേഹമുള്ളവര് ഡയറ്റില് ഫൈബര് സമൃദ്ധമായ ഭക്ഷണങ്ങള് ഉള്പ്പെടുത്തുന്നതിന് പ്രത്യേക ശ്രദ്ധ നല്കണം.
ബ്രൗണ് റൈസ്, ഓട്സ് തുടങ്ങിയ ധാന്യങ്ങള് ഇതിന് മികച്ച ഉദാഹരണങ്ങളാണ്. ഇവ ദഹനപ്രക്രിയ മെച്ചപ്പെടുത്തുകയും ദീര്ഘകാലം വിശപ്പ് നിയന്ത്രിക്കാനും സഹായിക്കുകയും ചെയ്യുന്നു.പോഷകങ്ങള് ധാരാളമായി അടങ്ങിയ പച്ചക്കറികള് ദിനചര്യാ ഭക്ഷണത്തിന്റെ ഭാഗമാക്കണമെന്നും വിദഗ്ധര് നിര്ദേശിക്കുന്നു. ഫൈബര്, ആന്റിഓക്സിഡന്റുകള്, വിറ്റാമിനുകള് എന്നിവ സമൃദ്ധമായ പച്ചക്കറികള് രക്തത്തിലെ പഞ്ചസാര നിയന്ത്രിക്കാനും പൊതുവായ ആരോഗ്യനില മെച്ചപ്പെടുത്താനും സഹായിക്കും. ദിവസേന വ്യത്യസ്ത ഇനത്തിലുള്ള പച്ചക്കറികള് ഭക്ഷണത്തില് ഉള്പ്പെടുത്തുന്നത് ഗുണകരമാണ്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
അതേസമയം, ഉപ്പിന്റെ അമിത ഉപയോഗം പ്രമേഹമുള്ളവര്ക്ക് ഹാനികരമാകാം. അധിക ഉപ്പ് രക്തസമ്മര്ദ്ദം വര്ധിപ്പിക്കാനുള്ള സാധ്യത ഉയര്ത്തുന്നതിനാല് ഭക്ഷണത്തില് ആവശ്യത്തിന് മാത്രം ഉപ്പ് ചേര്ക്കണമെന്ന് ആരോഗ്യ വിദഗ്ധര് മുന്നറിയിപ്പ് നല്കുന്നു.എണ്ണയുള്ള ഭക്ഷണങ്ങള് ദിവസേന കഴിക്കുന്നതും ഒഴിവാക്കേണ്ടതാണ്. അമിത എണ്ണ ഉപയോഗം ശരീരത്തിലെ പഞ്ചസാരയുടെ അളവ് വര്ധിപ്പിക്കാനും ഹൃദയാരോഗ്യത്തെ പ്രതികൂലമായി ബാധിക്കാനും ഇടയാക്കും. അതിനാല് കുറഞ്ഞ എണ്ണയില് പാചകം ചെയ്ത ഭക്ഷണങ്ങള്ക്ക് മുന്ഗണന നല്കണം.ഇതോടൊപ്പം, ശരീരത്തില് ആവശ്യമായ ജലനില നിലനിര്ത്തുന്നതും പ്രമേഹനിയന്ത്രണത്തില് പ്രധാന പങ്ക് വഹിക്കുന്നു.
ഇടയ്ക്കിടെ വെള്ളം കുടിക്കുന്ന ശീലം രക്തത്തിലെ പഞ്ചസാര നിയന്ത്രിക്കാനും ശരീര പ്രവര്ത്തനങ്ങള് സുഗമമാക്കാനും സഹായകമാണെന്ന് വിദഗ്ധര് വ്യക്തമാക്കുന്നു.ഭക്ഷണക്രമത്തില് ഈ മാറ്റങ്ങള് ക്രമാതീതമായി ഉള്പ്പെടുത്തുന്നത് പ്രമേഹവുമായി ബന്ധപ്പെട്ട ആരോഗ്യപ്രശ്നങ്ങള് കുറയ്ക്കാനും നല്ല ജീവിതശൈലി നിലനിര്ത്താനും സഹായകരമാകുമെന്ന് ആരോഗ്യ വിദഗ്ധര് പറയുന്നു.