എംഎൽഎ സർവീസ് ആർമിയിലൂടെ കൂട്ടിക്കലിൽ 11 വീടുകൾ സമ്മാനിച്ച് സെബാസ്‌റ്റ്യൻ കുളത്തുങ്കൽ എംഎൽഎ ; റോട്ടറി ക്ലബിന്റെ സഹകരണത്തോടെ നിർമ്മിച്ച വീടുകൾ 21ന് കൈമാറും 10 പുതിയ വീടുകളുടെ നിർമ്മാണത്തിനും തുടക്കമിടും

കോട്ടയം : പ്രളയംതകർത്ത കൂട്ടിക്കലിൽ സെബാസ്റ്റ്യൻ കുളത്തുങ്കൽ എംഎൽഎയുടെ നേതൃത്വത്തിൽ 11 കുടുംബങ്ങൾക്ക് വീടുകൾ സമ്മാനിക്കും. പൂഞ്ഞാർ നിയോജകമണ്ഡ ലത്തിലെ ജനക്ഷേമപ്രവർത്തനങ്ങൾക്കായി രൂപീകരിച്ചിട്ടുള്ള സന്നദ്ധസംഘടനയായ പൂ ഞ്ഞാർ എംഎൽഎ സർവീസ് ആർമിയുടെ നേതൃത്വത്തിലാണ് സാമൂഹിക പ്രതിബദ്ധത വെളിവാക്കുന്ന ഈ പ്രവൃത്തി നടപ്പിലാക്കുന്നതെന്ന് അഡ്വ. സെബാസ്റ്റ്യൻ കുളത്തുങ്കൽ എംഎൽഎ വാർത്താസമ്മേളനത്തിൽ അറിയിച്ചു.2021 ഒക്ടോബർ 16നാണ് കൂട്ടിക്കലിൽ മഹാപ്രളയം ദുരിതപ്പെയ്ത്‌ത് നടത്തിയത്. ഇ തിൽപ്പെട്ട് ഭൂരഹിതരും ഭവനരഹിതരുമായ മുന്നൂറിലേറപ്പേർക്ക് സംസ്ഥാന സർക്കാരി ന്റെ നേതൃത്വത്തിൽ വാസയോഗ്യമായ വീടുകൾ നിർമ്മിച്ച് നൽകിയിരുന്നു. വിവിധ മാ നദണ്ഡങ്ങൾ മൂലം സർക്കാർതല പദ്ധതിയുടെ നേട്ടം ലഭിക്കാത്തവരിൽ നിന്ന് തെരഞ്ഞെ ടുത്ത 11 വ്യക്തികൾക്കാണ് സെബാസ്റ്റ്യൻ കുളത്തുങ്കൽ എംഎൽഎയുടെ നേതൃത്വത്തിൽ വാസയോഗ്യമായ വീട് നിർമ്മിച്ച് നൽകുന്നത്.

റോട്ടറി ഇൻ്റർനാഷണൽ ഡിസ്ട്രിക്ട് 3211, പാലാ റോട്ടറി ക്ലബ് എന്നിവയുടെ സഹകരണത്തോടെയാണ് ഒരു ജനപ്രതിനിധിയുടെ സാമൂഹിക പ്രതിബദ്ധത വെളിവാക്കുന്ന ഭവനനിർമ്മാണം യാഥാർത്ഥ്യമാക്കിയത്.കൂട്ടിക്കലിൽ 11 വീടുകളുടെ താക്കോൽ ദാനത്തിനൊപ്പം പൂഞ്ഞാർ നിയോജകമ ണ്ഡലത്തിലെ വിവിധ ഭാഗങ്ങളിലായി ലക്ഷ്യമിടുന്ന 10 പുതിയ വീടുകളുടെ നിർമ്മാണ ഉദ്ഘാടനവും നടത്തും. എംഎൽഎയുടെ അഭ്യർത്ഥനയെതുടർന്ന് മുണ്ടക്കയം പഞ്ചായ ത്ത് മുൻ പ്രസിഡൻ്റ് സി.പി.എ. യൂസഫിൻ്റെ മകൻ സി.വൈ.എ റൗഫാണ് വീടുനിർമ്മാ ണത്തിനായി 60 സെൻ്റ് സൗജന്യമായി നൽകിയത്. നിർമ്മാണത്തിന് അനുമതി ലഭിക്ക തക്കവിധം ഭൂമി തരംമാറ്റിയെടുക്കാനും സ്റ്റാമ്പ് ഡ്യൂട്ടി ഒഴിവാക്കി ഗുണഭോക്താക്കൾക്ക് ര ജിസ്‌റ്റർ ചെയ്ത് നൽകാനുമുള്ള പ്രത്യേകസർക്കാർ അനുമതി എംഎൽഎയുടെ നേത്യ ത്വത്തിൽ ലഭ്യമാക്കിയാണ് വീടുകൾ നിർമ്മിച്ചത്.21ന് 11ന് കൂട്ടിക്കൽ സെൻ്റ് മേരീസ് ഓർത്തഡോക്‌സ് പള്ളി പാരിഷ് ഹാളിലാണ് വീടുകളുടെ താക്കോൽദാനം. മന്ത്രി റോഷി അഗസ്‌റ്റ്യൻ ഉദ്ഘാടനം നിർവഹിക്കും. അഡ്വ. സെബാസ്റ്റ്യൻ കുളത്തുങ്കൽ എംഎൽഎ അധ്യക്ഷത വഹിക്കും. മുൻ എംഎൽ എ കെ.ജെ തോമസ് ഗുണഭോക്താക്കൾക്ക് ഉടമസ്ഥാവകാശ രേഖകൾ കൈമാറും. 3211 റോട്ടറി ഡിസ്ട്രിക്ട് ഗവർണർ ഡോ. ടീന ആൻ്റണി വിശിഷ്ടാതിഥിയായി പങ്കെടുത്ത് മുഖ്യ പ്രഭാഷണം നടത്തും. സ്ഥലം സൗജന്യമായി നൽകിയ സി.വൈ.എ റൗഫിനെ ജില്ലാ പ ഞ്ചായത്തംഗം അഡ്വ. ശുഭേഷ് സുധാകരൻ ആദരിക്കും. പ്രൊജക്ട് കോർഡിനേറ്റർ റെജി ജേക്കബ് പദ്ധതി വിശദീകരണവും പാലാ റോട്ടറി ക്ലബ് പ്രസിൻ്റ് ജോഷി വെട്ടുകാട്ടിൽ ആമുഖ പ്രഭാഷണവും നടത്തും.ബ്ലോക്ക് പഞ്ചായത്ത് പ്രസിഡൻ്റ് അജിത രതീഷ്, ജില്ലാ പഞ്ചായത്ത് സ്ഥിരംസമി തി അധ്യക്ഷ പി.ആർ അനുപമ, പഞ്ചായത്ത് വൈസ് പ്രസിഡൻ്റ് രജനി സുധീർ, ബ്ലോ ക്ക് പഞ്ചായത്തംഗം അനു ഷിജു, പഞ്ചായത്ത് സ്ഥിരംസമതി അധ്യക്ഷന്മാരായ പി.എസ് സജിമോൻ, ജെസി ജോസ്, കെ.എൻ വിനോദ്, പഞ്ചായത്ത് മുൻ പ്രസിഡന്റ് സിന്ധു മു രളീധരൻ, റോട്ടറി 3211 ഡിസ്ട്രക്ട് മുൻ അസി.ഗവർണർ അരുൺ എസ്. ചന്ദ്രൻ, കൂട്ടിക്കൽ സെന്റ് ജോർജ് ഫൊറോന പള്ളി വികാരി ഫാ. ജോസഫ് വടക്കേമംഗലത്ത്, കൂട്ടിക്കൽ ജമാ അത്ത് പ്രസിഡന്റ് ഷാൻ പി. ഖാദിർ, കൂട്ടിക്കൽ എസ്എൻഡിപി ശാഖാ പ്രസിഡന്റ് ടി.വി പ്രസാദ്, കൂട്ടിക്കൽ സെൻ്റ് മേരീസ് ഓർത്തഡോക്സ‌് പള്ളി വികാരി ഫാ. മാത്യു വർഗീസ്, ഏന്തയാർ സെൻ്റ് ജോസഫ് പള്ളി വികാരി ഫാ. സേവ്യർ മാമ്മൂട്ടിൽ, താളുങ്കൽ കെപിഎംഎസ് പ്രതിനിധി കെ.പി അച്ചൻകുഞ്ഞ്, വിവിധ രാഷ്ട്രീയ പാർട്ടി പ്രതിനിധി കളായ എം.എസ് മണിയൻ, ജിജോ കാരക്കാട്, പി.സി സൈമൺ, ടി.പി റഷീദ്, കെ.എൻ സജീവ്, ഹാറൂൺ മഠത്തിൽ, പഞ്ചായത്തംഗം എം.വി ഹരിഹരൻ, സിഡിഎസ് അധ്യക്ഷ ആശ സിജു എന്നിവർ പ്രസംഗിക്കും.റോട്ടറി ക്ലബ് കെ. ശ്രീനിവാസൻ, ആർ. രഘുനാഥ്, ഡോ. തോമസ് വാവാനിക്കുന്നേൽ, ആന്റണി വൈപ്പന, ഡോ. മാത്യു തോമസ്, പൂഞ്ഞാർ എംഎൽഎ സർവീസ് ആർമി ഭാര വാഹികളായ ബിനോ ജോൺ ചാലക്കുഴി, പി.എം സെബാസ്റ്റ്യൻ പുല്ലാട്ട്, പിപിഎം നൗ ഷാദ്, ജാൻസ് വയിലിക്കുന്നേൽ, ജോർജുകുട്ടി ആഗസ്‌തി, അഡ്വ. സാജൻ കുന്നത്ത് എ ന്നിവർ താക്കോൽദാനം നിർവഹിക്കും.പൂഞ്ഞാർ എംഎൽഎ സർവീസ് ആർമികോട്ടയം: വികസന പ്രവർത്തനങ്ങളിലെ ജനകീയ മുന്നേറ്റത്തിനുള്ള ഉത്തമ മാതൃകയാണ് പൂഞ്ഞാർ എംഎൽഎ സർവീസ് ആർമി. നിയോജക മണ്ഡലത്തിന്റെ സമസ്‌തമേഖലകളിലും വികസനത്തിന് വഴിതുറക്കുന്ന പദ്ധതി സംസ്ഥാനത്തുതന്നെ ചർച്ചയ്ക്ക് വഴിതെ ളിച്ചിട്ടുണ്ട്.

വിദ്യാഭ്യാസ മേഖലയിൽ ഫ്യൂച്ചർ സ്‌റ്റാർസ് എഡ്യൂക്കേഷൻ പ്രോജക്ട്, തൊഴിൽ രഹിതർക്ക് തൊഴിൽ സാധ്യത സമ്മാനിക്കാനായി പൂഞ്ഞാർ ജോബ്‌സ് ജോബ് പോർട്ടൽ, നിർധന കിടപ്പുരോഗികൾക്കും ദുരിബാധിതർക്കുമായി പ്രതിമാസം 1,000 രൂപയുടെ ചികിത്സാ സഹായം, വിശേഷവസരങ്ങളിൽ ഭക്ഷ്യധാന്യക്കിറ്റുകൾ നൽകുന്ന കാരുണ്യ സ്പർശം, കാർഷിക മേഖലയിലേക്ക് യുവജനങ്ങളെ ആകർഷിക്കാനായി സംസ്ഥാന കൃഷി വകുപ്പുമായി ചേർന്ന് നടത്തുന്ന ഫല സമൃദ്ധി എന്നിങ്ങനെ ഒട്ടേറെ പ്രവർത്തനങ്ങൾക്ക് നിയോജക മണ്ഡലത്തിൽ നേത്യത്വം നൽകുന്നത് എംഎൽഎ സർവീസ് ആർമിയാണ്.ഭവനരഹിതരെ പുനരധിവസിപ്പിക്കുന്ന കാരുണ്യ ഭവന പദ്ധതിയിലൂടെ വീടെന്ന സ്വപ്നം യാഥാർത്ഥ്യമാക്കിയ നിരവധി പേരുണ്ട്.കോവിഡ് കാലത്ത് അറുനൂറോളം വിദ്യാർ ത്ഥികൾക്കാണ് മൊബൈൽ ഫോൺ വാങ്ങി നൽകിയത്. പ്രളയസമയത്തെ എംഎൽഎ സർവീസ് ആർമിയുടെ ഇടപെടലുകൾ ഏറെ ശ്രദ്ധിക്കപ്പെട്ടിരുന്നു.എരുമേലിയിൽ ഒരു യുവാവിന് ഓട്ടോറിക്ഷ വാങ്ങി നൽകി ഉപജീവനത്തിന് വഴിതുറന്നിരുന്നു. ഡയാലിസിസ് കിറ്റ്, പഠനോപകരണം എന്നിങ്ങനേയും വിതരണം നടത്തുന്നുണ്ട്.ഓരോ പ്രവർത്തനങ്ങൾക്കുമായി പ്രത്യേക കമ്മിറ്റികളും പ്രവർത്തിക്കുന്നുണ്ട്.ഉദാരമതികളും അഭ്യുദയകാംക്ഷികളും സിഎസ്‌ആർ ഫണ്ടുകളും പ്രയോജനപ്പെടുത്തിയാണ് പദ്ധതികൾ യാഥാർത്ഥ്യമാക്കുന്നത്.