തൊടുപുഴ:സ്വകാര്യ ലോഡ്ജില് സ്ത്രീയ്ക്കൊപ്പം മുറിയെടുത്ത് എംഡിഎംഎയും ഹാഷിഷ് ഓയിലും കൈവശം വെച്ച മധ്യവയസ്കനെ പൊലീസ് പിടികൂടി. തൊടുപുഴ പട്ടയം കവല സ്വദേശി റഷീദ് (വയസ്സ് മധ്യത്തിൽ) ആണ് പിടിയിലായത്.ഇയാളില് നിന്നും ഏകദേശം അഞ്ച് ഗ്രാം എംഡിഎംഎയും 0.23 ഗ്രാം ഹാഷിഷ് ഓയിലും പൊലീസ് കണ്ടെത്തി. തൊടുപുഴയിലടക്കമുള്ള വി.ഐ.പി.കളുമായി രാസലഹരി വില്പ്പന ബന്ധം പുലര്ത്തുന്നതായി ലഭിച്ച രഹസ്യവിവരത്തെ തുടര്ന്നായിരുന്നു പൊലീസ് നിരീക്ഷണം.തൊടുപുഴ ഡി.വൈ.എസ്.പി.യുടെ നേതൃത്വത്തിലുള്ള ലഹരി വിരുദ്ധ സ്ക്വാഡ്യും തൊടുപുഴ പൊലീസും ചേർന്നാണ് പരിശോധന നടത്തിയത്.
ഇന്നലെ രാത്രി, റഷീദ് സ്വകാര്യ ലോഡ്ജില് മുറിയെടുത്ത് ലഹരി ഇടപാടിനായി എത്തിച്ചേർന്നെന്ന വിവരത്തെ തുടര്ന്നായിരുന്നു റെയ്ഡ്.പരിശോധനയില് ലഹരി വസ്തുക്കള് കണ്ടെത്തിയതോടെ ഇയാളെ പൊലീസ് അറസ്റ്റ് ചെയ്തു. റഷീദിനൊപ്പം ഒരു സ്ത്രീയും ഉണ്ടായിരുന്നുവെങ്കിലും ലഹരി ഇടപാടുമായി ബന്ധമില്ലാത്തതിനാല് അവരെ വിട്ടയച്ചു.തൊടുപുഴയില് കരാര് അടിസ്ഥാനത്തില് കെട്ടിടനിര്മ്മാണം നടത്തുന്നയാളാണ് റഷീദ്. ലഹരി ഉപയോഗത്തിനൊപ്പം തന്നെ വിറ്റഴിക്കലിലും ഇയാള് സജീവമായിരുന്നുവെന്നാണ് പൊലീസ് കണ്ടെത്തല്. റഷീദില് നിന്ന് ലഹരി വാങ്ങിയ സമൂഹത്തിലെ ഉന്നതരെക്കുറിച്ചും പൊലീസ് അന്വേഷണം തുടരുന്നു.