തൃശ്ശൂർ: മുരിങ്ങൂരിൽ ഗതാഗതക്കുരുക്ക് രൂക്ഷമാണ്. പാലിയേക്കര ടോൾ നിർത്തിയിട്ട് രണ്ടുമാസം കഴിഞ്ഞിട്ടും വാഹനങ്ങളുടെ നിര ഒരു കിലോമീറ്ററിലേറെ നീണ്ടു കിടക്കുന്നു.എറണാകുളം ഭാഗത്തു നിന്ന് തൃശ്ശൂർ വരെയുള്ള വാഹനങ്ങൾ പൊങ്ങത്ത് നിന്ന് ഇടത്തോട്ടു മംഗലശേരി വഴി തിരിച്ചു പോകുന്നുവെങ്കിലും, ഇരുവശത്തും പല സമയങ്ങളിലും വാഹനങ്ങൾ കുരുക്കിൽ പെട്ട് കിടക്കുന്നത് തുടരുകയാണ്. ഡിവൈൻ നഗർ മേൽപാത കഴിഞ്ഞാൽ വാഹനങ്ങൾ മേലൂർ വഴി തിരിച്ചുവിടപ്പെടുകയാണ്.ഗതാഗതക്കുരുക്ക് രൂക്ഷമാക്കുന്നതിന് പ്രധാന കാരണം സർവീസ് റോഡുകളിൽ അറ്റകുറ്റപ്പണി നടത്താതിരിക്കുന്നതാണെന്ന് യാത്രക്കാർ അറിയിച്ചു.
മണ്ണുത്തി-ഇടപ്പള്ളി ദേശീയപാത 544ൽ പാലിയേക്കര ടോൾ പിരിവ് ഹൈക്കോടതി സ്റ്റേ ചെയ്തത് ഓഗസ്റ്റ് 6നാണ്.ടോൾ പിരിവ് തടഞ്ഞത്, അടിപ്പാത നിർമാണത്തിന് രൂപംകൊടുക്കുന്ന പ്രദേശങ്ങളിൽ രൂക്ഷമായ ഗതാഗതക്കുരുക്കും അപകടങ്ങളും ഉണ്ടാക്കുന്നതായി പൊതു ജനങ്ങൾ കോടതിയെ സമീപിച്ചതോടെയാണ്. ആരംഭത്തിൽ നാല് ആഴ്ചത്തേക്ക് സ്റ്റേ നൽകിയെങ്കിലും, പിന്നീട് ഇത് പല ഘട്ടങ്ങളിലും നീട്ടിയിരുന്നു.വാണിയമ്പാറ മുതൽ ചിറങ്ങര വരെയുള്ള 7 ഇടങ്ങളിൽ ഒരേസമയം അടിപ്പാത നിർമ്മാണം തുടങ്ങിയതോടെ ഗതാഗതക്കുരുക്കും സുരക്ഷാ ഭീഷണിയും കൂടിയതായാണ് റിപ്പോർട്ടുകൾ സൂചിപ്പിക്കുന്നത്..