ന്യൂസ്ഡെസ്ക് :ഇന്നത്തെ കാലത്ത് ചെറുപ്പക്കാർ മുതൽ മുതിർന്നവർ വരെ രൂക്ഷമായി അനുഭവിക്കുന്ന പ്രശ്നമാണ് മുടിയിൽ നര കൂടുന്നത്. ജീവിതരീതി, മാനസികമർദം, പോഷകാഹാരക്കുറവ്, ജീനറ്റിക് ഘടകങ്ങൾ തുടങ്ങിയവയാണ് അകാല നരയ്ക്ക് പിന്നിൽ കാണുന്ന പ്രധാന കാരണങ്ങൾ എന്ന് വിദഗ്ധർ ചൂണ്ടിക്കാട്ടുന്നു.നര മറയ്ക്കാൻ പലരും ആദ്യം ആശ്രയിക്കുന്നത് കെമിക്കൽ ഡൈകളും താൽക്കാലിക കളറും തന്നെയാണ്. എന്നാൽ ഇത്തരം ഉൽപ്പന്നങ്ങൾ തുടർച്ചയായി ഉപയോഗിക്കുന്നത് തലച്ചർമ്മത്തിൻ്റെയും മുടിയുടെയും ആരോഗ്യത്തെ ദീർഘകാലത്തിൽ പ്രതികൂലമായി ബാധിക്കാമെന്ന മുന്നറിയിപ്പാണ് ഡർമറ്റോളജിസ്റ്റുകൾ ഉയർത്തുന്നത്.
ഇത്തരം സാഹചര്യത്തിലാണ് വീട്ടിൽ തന്നെ സാധാരണയായി ലഭ്യമായ സാധനങ്ങൾ ഉപയോഗിച്ച് തയ്യാറാക്കാനാകുന്ന ഒരു “ഓയിൽ ഡൈ” സോഷ്യൽ മീഡിയയിൽ ശ്രദ്ധ നേടുന്നത്. എള്ളെണ്ണ, മഞ്ഞൾപ്പൊടി, വൈറ്റമിൻ ഇ കാപ്സ്യൂൾ എന്നീ മൂന്ന് ചേരുവകൾ മാത്രം ഉപയോഗിച്ചാണ് ഈ മിശ്രിതം തയ്യാറാക്കുന്നത് എന്ന് ആരോഗ്യ-ബ്യൂട്ടി ബ്ലോഗുകൾ റിപ്പോർട്ട് ചെയ്യുന്നു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
വീട്ടുവൈദ്യത്തിന്റെ പ്രകാരം, 500 മില്ലി എള്ളെണ്ണ ഒരു ഇരുമ്പ് ചീനച്ചട്ടിയിൽ എടുത്ത് അതിലേക്ക് രണ്ട് ടേബിള്സ്പൂൺ മഞ്ഞൾപ്പൊടി ചേർത്ത് മിതമായ തീയിൽ നന്നായി തിളപ്പിക്കണം. മിശ്രിതം കറുത്ത നിറത്തിലാകുമ്പോൾ തീ അണച്ച് പൂർണ്ണമായും തണുക്കാൻ വെച്ചതിന് ശേഷം എണ്ണ അരിച്ച് ഗ്ലാസ് ബോട്ടിലിൽ സൂക്ഷിക്കണം.എണ്ണ പൂർണ്ണമായും തണുത്തതിന് ശേഷം ഒരു വൈറ്റമിൻ ഇ കാപ്സ്യൂളിന്റെ ഉള്ളടക്കം പൊട്ടിച്ച് ഈ എണ്ണയിൽ ചേർത്ത് നന്നായി കലർത്തുകയാണ് അടുത്ത ഘട്ടം. ഇങ്ങനെ ഒരിക്കൽ തയ്യാറാക്കി വെച്ച എണ്ണ പിന്നീട് ആഴ്ചയിൽ ഒന്നോ രണ്ടോ തവണ വരെ ഉപയോഗിക്കാമെന്ന് നിർദ്ദേശം.ഉപയോഗിക്കുമ്പോൾ തയ്യാറാക്കി വെച്ച എണ്ണ മുടിയിലും ശിരോചർമത്തിലും നല്ലതുപോലെ പുരട്ടി ഏകദേശം ഒരു മണിക്കൂർ സമയം വയ്ക്കണമെന്ന് വീട്ടുവൈദ്യക്കുറിപ്പിൽ പറയുന്നുണ്ട്. തുടർന്ന് ഹെർബൽ ഷാംപൂ പോലുള്ള മൃദുവായ ശാംപൂ ഉപയോഗിച്ച് മുടി കഴുകിക്കളയേണ്ടതാണ്.
ഈ മിശ്രിതം ആഴ്ചയിൽ നിരന്തരം ഉപയോഗിച്ചാൽ മുടിയിലെ നര ക്രമേണ കുറയാനും പുതിയതായി വളരുന്ന മുടി നരയാതിരിക്കാനും സഹായിക്കാമെന്ന ആണ് വാദം. കൂടാതെ മുടി തഴച്ചു വളരാനും തിളക്കം കൂടാനും എള്ളെണ്ണയും വൈറ്റമിൻ ഇയും മഞ്ഞളും ചേർന്നുള്ള കൂട്ടുകൾ സഹായിക്കുമെന്ന് പ്രകൃതിവൈദ്യരംഗത്തെ ചില പ്രവർത്തകർ അഭിപ്രായപ്പെടുന്നുഎന്നാൽ ഇത്തരം വീട്ടുവൈദ്യങ്ങൾ എല്ലാവർക്കും ഒരുപോലെ ഫലപ്രദമാകണമെന്നില്ലെന്നും, അലർജി, ചർമ്മസൂക്ഷ്മത തുടങ്ങിയ പ്രശ്നങ്ങൾ ഉള്ളവർ നിർബന്ധമായും വിദഗ്ധ ഡോക്ടറുടെ ഉപദേശം തേടണം എന്നും ആരോഗ്യ വിദഗ്ധർ ഓർമ്മിപ്പിക്കുന്നു. മുടിനരയ്ക്കൽ ചിലപ്പോൾ തൈറോയ്ഡ്, വിറ്റാമിൻ ക്ഷയം തുടങ്ങിയ ആരോഗ്യപ്രശ്നങ്ങളുടെ ലക്ഷണമായിരിക്കാം എന്നതിനാൽ ദീർഘകാലമായി നര കൂടുകയാണെങ്കിൽ പരിശോധന നടത്തുന്നതും നിർദ്ദേശനീയമാണ്.