ഇന്ന് ലോക ന്യുമോണിയ ദിനം;കുട്ടികളിൽ പിടിപെട്ടാൽ മരണം ഉറപ്പ്; രക്ഷപ്പെടുന്നവരിൽ ശ്വാസകോശം ചുരുങ്ങും

ഹെൽത്ത് ഡെസ്ക് :ജീവൻ ഭീഷണിയുള്ള ശ്വാസകോശ അണുബാധയായ ന്യുമോണിയയെ കുറിച്ച് ബോധവൽക്കരണം നടത്തുന്നതിനായി നവംബർ 12-ന് ലോക ന്യുമോണിയ ദിനം ആചരിക്കുന്നു. ഈ വർഷത്തെ തീം ‘കുഞ്ഞുങ്ങളുടെ അതിജീവനം (Child Survival)’ എന്നതാണ്. ലോകമെമ്പാടുമുള്ള ന്യുമോണിയ പ്രതിരോധ, ചികിത്സാ പ്രവർത്തനങ്ങളെ പ്രോത്സാഹിപ്പിക്കുകയാണ് ദിനാചരണത്തിന്റെ ലക്ഷ്യം.വൈറസ്, ബാക്ടീരിയ, ഫംഗസ് തുടങ്ങിയവയാണ് രോഗത്തിന് കാരണമായ പ്രധാന ഘടകങ്ങൾ. രോഗബാധിതരിൽ നിന്ന് മറ്റൊരാളിലേക്ക് എളുപ്പത്തിൽ പകരുന്ന സാംക്രമിക രോഗമാണിത്. പ്രത്യേകിച്ച് 55 വയസിന് മുകളിലുള്ളവർക്കും അഞ്ച് വയസിന് താഴെയുള്ള കുട്ടികൾക്കും രോഗബാധിതരാകാനുള്ള സാധ്യത കൂടുതലാണ്.

കുഞ്ഞുങ്ങളുടെ മരണത്തിന് പ്രധാനകാരണം

അഞ്ച് വയസിന് താഴെയുള്ള കുട്ടികളുടെ മരണത്തിന് പ്രധാന പകർച്ചവ്യാധിയായി ന്യുമോണിയ തുടരുകയാണ്. ലോകമെമ്പാടും പ്രതിവർഷം ഏകദേശം 25 ലക്ഷം പേർ ന്യുമോണിയ മൂലം ജീവൻ നഷ്ടപ്പെടുത്തുന്നുവെന്ന് കണക്കുകൾ വ്യക്തമാക്കുന്നു. മെഡിക്കൽ രംഗത്തെ പുരോഗതികൾ ഉണ്ടെങ്കിലും ശ്വാസകോശ രോഗങ്ങൾ ഇപ്പോഴും പ്രധാന മരണകാരണമായി തുടരുന്നു, പ്രത്യേകിച്ച് കോവിഡ് മഹാമാരിക്ക് ശേഷം.

താഴ്ന്ന വരുമാന രാജ്യങ്ങളിലാണ് ഏറ്റവും കൂടുതൽ ആഘാതം

ആരോഗ്യ സൗകര്യങ്ങളുടെ അഭാവം മൂലം താഴ്ന്ന വരുമാന രാജ്യങ്ങളിലാണ് ന്യുമോണിയയുടെ മരണനിരക്ക് കൂടുതലെന്ന് വിദഗ്ധർ ചൂണ്ടിക്കാണിക്കുന്നു. വാക്സിനുകൾ, ആന്റിബയോട്ടിക്കുകൾ, ഓക്സിജൻ തെറാപ്പി, മെച്ചപ്പെട്ട പോഷകാഹാരം എന്നിവയുടെ പ്രാപ്യത ഉറപ്പുവരുത്തുകയാണ് പ്രധാന ആവശ്യകത.

രോഗം അതിജീവിച്ചാലും പ്രശ്നങ്ങൾ തുടരുന്നു

ന്യുമോണിയയെ അതിജീവിച്ചാലും രോഗബാധിതരിൽ ദീർഘകാല ആരോഗ്യപ്രശ്നങ്ങൾ നിലനിൽക്കുന്നു. പ്രത്യേകിച്ച് കുട്ടികളിൽ ശ്വാസകോശത്തിന്റെ പ്രവർത്തനം കുറയൽ, ബുദ്ധിവികാസത്തിലെ താമസം, ആവർത്തിച്ചുള്ള ശ്വസന അണുബാധകൾ എന്നിവ ഉണ്ടാകാം.

ആരോഗ്യരംഗത്തും സാമ്പത്തിക രംഗത്തും സമ്മർദ്ദം

രോഗബാധിതരുടെ ചികിത്സ ചെലവ് കുടുംബങ്ങളെ സാമ്പത്തികമായി തളർത്തുന്നതോടൊപ്പം, ആരോഗ്യമേഖലയിൽ കൂടി സമ്മർദ്ദം സൃഷ്ടിക്കുന്നു. പ്രത്യേകിച്ച് അടിസ്ഥാന സൗകര്യങ്ങൾ പരിമിതമായ പ്രദേശങ്ങളിൽ ന്യുമോണിയ ഗുരുതര പ്രതിസന്ധിയാകുന്നു.

കാരണങ്ങൾ

ബാക്ടീരിയ: സ്ട്രെപ്റ്റോകോക്കസ് ന്യുമോണിയ

വൈറസ്: ഇൻഫ്ലുവൻസ, കൊറോണ വൈറസുകൾ

ഫംഗസ്: പ്രതിരോധ ശേഷി കുറഞ്ഞവരെ ബാധിക്കുന്നു

അപകട ഘടകങ്ങൾ

അഞ്ച് വയസിന് താഴെയുള്ള കുട്ടികളും 65 വയസിന് മുകളിലുള്ളവരും

പോഷകാഹാരക്കുറവ്

ആസ്ത്മ, സിഒപിഡി, പ്രമേഹം തുടങ്ങിയ രോഗങ്ങൾ

വായുമലിനീകരണം, പുകവലി

രോഗപ്രതിരോധശേഷി കുറവ്

ലക്ഷണങ്ങൾ

കടുത്ത പനി, വിറയൽ, കഫത്തോടുകൂടിയ ചുമ, ശ്വാസതടസ്സം, ക്ഷീണം തുടങ്ങിയവയാണ് പ്രധാന ലക്ഷണങ്ങൾ.

വ്യാപനം

ചുമ, തുമ്മൽ, മലിനമായ ഉപരിതലങ്ങൾ എന്നിവയിലൂടെ രോഗം പടരുന്നു.

ചികിത്സ

ബാക്ടീരിയൽ ന്യുമോണിയയ്ക്ക് ആന്റിബയോട്ടിക്കുകൾ ഫലപ്രദമാണ്. വൈറൽ അണുബാധയാണെങ്കിൽ ആന്റിവൈറൽ മരുന്നുകളും കഫം നീക്കം ചെയ്യാൻ സഹായിക്കുന്ന മരുന്നുകളും ഉപയോഗിക്കുന്നു.ചരിത്രം1930-ൽ വിൻസ്റ്റൺ ചേർച്ചിൽ വികസിപ്പിച്ച സൾഫാപിരിഡിൻ ആദ്യ ആന്റിബാക്ടീരിയൽ മരുന്നായിരുന്നു. 1928-ൽ കണ്ടെത്തിയ പെൻസിലിൻ 1941 മുതൽ ചികിത്സയിൽ വ്യാപകമായി പ്രയോഗിക്കപ്പെട്ടു.

പ്രതിരോധത്തിന്റെ പ്രാധാന്യം

ലോക ന്യുമോണിയ ദിനം, പ്രതിരോധ വാക്സിനേഷൻ, വായു ഗുണനിലവാരം, പോഷകാഹാരം തുടങ്ങിയ ഘടകങ്ങൾ സംയോജിപ്പിച്ച് ന്യുമോണിയയ്‌ക്കെതിരെ ആഗോള പ്രതിബദ്ധത ഉറപ്പുവരുത്താനുള്ള അവസരമായി കണക്കാക്കപ്പെടുന്നു.