ഒരു പിടി നെല്ലിക്ക കൊണ്ട് പ്രതിരോധശേഷി ഇരട്ടിയാക്കാം; വീട്ടിൽ തന്നെ ഉണ്ടാക്കാം ശുദ്ധമായ ച്യവനപ്രാശം

ഹെൽത്ത്‌ ഡെസ്ക്: തൃപ്തികരമായ ദഹനാരോഗ്യത്തിനും ശക്തമായ പ്രതിരോധശേഷിക്കും ഇനി പുറത്ത് നിന്നുള്ള ഉൽപ്പന്നങ്ങളിലേയ്ക്ക് നോക്കേണ്ടതില്ല. ആയുർവേദത്തിന്റെ അമൂല്യമായ രസായനമായ ച്യവനപ്രാശം ഇനി വീട്ടിൽ തന്നെ എളുപ്പത്തിൽ ഉണ്ടാക്കാം.ച്യവനപ്രാശം ഒരു സാധാരണ ജാം മാത്രമല്ല, ശരീരത്തിന് ഊർജ്ജവും പ്രതിരോധശേഷിയും നൽകുന്ന ആയുർവേദ മിശ്രിതമാണ്. നെല്ലിക്കയുടെയും അനവധി ഔഷധസസ്യങ്ങളുടെയും ഗുണങ്ങൾ ചേർന്ന ഈ ദിവ്യൗഷധം വാർദ്ധക്യത്തെ ചെറുക്കാനും ദഹനശേഷി വർധിപ്പിക്കാനും ശ്വാസകോശാരോഗ്യം മെച്ചപ്പെടുത്താനും സഹായിക്കുന്നു.ഐശ്വര്യ അവതരിപ്പിക്കുന്ന ഈ വീട്ടിലുറപ്പുള്ള ച്യവനപ്രാശ റെസിപ്പിയിൽ രാസവസ്തുക്കളോ പ്രിസർവേറ്റീവുകളോ ഇല്ല. ആരോഗ്യകരമായ ചേരുവകൾ മാത്രം ചേർത്ത് അതേ ഗുണമേന്മയിൽ വീട്ടിൽ തന്നെ തയ്യാറാക്കാം.

തയ്യാറാക്കുന്ന വിധം

1. നെല്ലിക്ക വൃത്തിയായി കഴുകി 15 മിനിറ്റ് ആവിയിൽ വേവിക്കുക.

2. തണുത്ത ശേഷം കുരു നീക്കി നന്നായി അരച്ചെടുക്കുക.

3. അടി കട്ടിയുള്ള പാനിൽ നെയ്യ് ചൂടാക്കി നെല്ലിക്കയും ശർക്കരയും ചേർത്ത് ഇളക്കുക.

4. കുറഞ്ഞ തീയിൽ 15–20 മിനിറ്റ് അടച്ചു വേവിക്കുക. ഇടയ്ക്കിടെ ഇളക്കണം.

5. ശർക്കര അലിഞ്ഞതിനു ശേഷം കറുവാപ്പട്ട, ഗ്രാമ്ബൂ, വഴനയില, കുരുമുളക്, ചുക്ക്, ജാതിക്ക, നട്മഗ്, പെരുംജീരകം, ഏലയ്ക്ക്, പോപ്പിസീഡ് എന്നിവ ഉണക്കി പൊടിച്ച് ചേർക്കുക.

6. പാനിൽ നിന്നും വിടുകയും കട്ടിയായി വരുമ്പോൾ അടുപ്പണച്ച് തണുപ്പിക്കുക.

7. തണുത്ത ശേഷം തേൻ ചേർത്ത് യോജിപ്പിക്കുക.

8. വൃത്തിയുള്ള വായുവോ ഈർപ്പമോ കടക്കാത്ത പാത്രത്തിൽ സൂക്ഷിക്കുക.തുടർച്ചയായി കഴിച്ചാൽ ശരീരത്തിന് പ്രതിരോധശേഷി വർധന, ദഹനശക്തി മെച്ചം, ശ്വാസകോശാരോഗ്യത്തിലെ പുരോഗതി എന്നിവ ലഭിക്കും

.ചേരുവകൾ

നെല്ലിക്ക – 1 കിലോ

ശർക്കര – 800 ഗ്രാം

തേൻ – ½ കപ്പ്

ഇഞ്ചി – 2 ടേബിൾ സ്പൂൺ

കറുവാപ്പട്ട – 2 കഷണം

നെയ്യ് – ½ കപ്പ്

ഗ്രാമ്പൂ – 8 എണ്ണം

കുരുമുളക് – 8 എണ്ണം

വഴനയില – 1 എണ്ണം

ജാതിക്ക – 1 എണ്ണം

നട്മഗ് – 1 എണ്ണം

പെരുംജീരകം – ഒരു നുള്ള്

ചെറിയ ഏലയ്ക്ക – 1 ടേബിൾ സ്പൂൺ

വലിയ ഏലയ്ക്ക – 1 എണ്ണം

പോപ്പിസീഡ് – 1 ടേബിൾ സ്പൂൺ

കുങ്കുമപ്പൂവ് – ആവശ്യത്തിന്