ഹെൽത്ത് ഡെസ്ക്: മാത്രമേ കൂടുതലായി കണ്ടിരുന്ന വൻകുടല് കാൻസർ (Colorectal Cancer) ഇന്ന് ചെറുപ്പക്കാരിലേക്കും വ്യാപിക്കുന്നു. ലോകത്ത് കാൻസർ മരണങ്ങളുടെ പ്രധാന കാരണങ്ങളിലൊന്നായ ഈ രോഗം പലപ്പോഴും കുടലിന്റെ ഭിത്തിയില് രൂപപ്പെടുന്ന ചെറിയ, കാൻസർ അല്ലാത്ത മുഴകളായ ‘പോളിപ്പുകളിലാണ്’ ആരംഭിക്കുന്നത്.ഈ രോഗവ്യാപനത്തിന് പ്രധാന കാരണങ്ങളിലൊന്ന് ദൈനംദിന ഭക്ഷണത്തിലെ അള്ട്രാ-പ്രോസസ്ഡ് ഭക്ഷണങ്ങളുടെ (UPFs) അമിത ഉപയോഗം ആണെന്ന് പുതിയ പഠനങ്ങള് മുന്നറിയിപ്പ് നൽകുന്നു. ഇത്തരം ഭക്ഷണങ്ങള് നേരിട്ട് കാൻസറിന് കാരണമാകുന്നുവെന്ന് പറയാനാകില്ലെങ്കിലും, അവ കാൻസർ വളർച്ചയ്ക്ക് അനുയോജ്യമായ സാഹചര്യം സൃഷ്ടിക്കുന്നതായി ഗവേഷണങ്ങൾ വ്യക്തമാക്കുന്നു.ആരോഗ്യവിദഗ്ധരുടെ മുന്നറിയിപ്പ് പ്രകാരം ഒഴിവാക്കേണ്ട ഏഴ് അള്ട്രാ-പ്രോസസ്ഡ് ഭക്ഷണങ്ങള് ഇവയാണ്
1. സംസ്കരിച്ച മാംസങ്ങൾ
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഹോട്ട് ഡോഗ്, സോസേജ്, ബേക്കൺ, ഹാം മുതലായ സംസ്കരിച്ച മാംസങ്ങളില് ചേർക്കുന്ന നൈട്രൈറ്റുകൾ കുടലിന്റെ ആവരണം ക്ഷതപ്പെടുത്തുകയും, കോശങ്ങളിലെ ഡി.എൻ.എ. തകരാറുകൾ വഴിയാണ് കാൻസർ സാധ്യത വർദ്ധിപ്പിക്കുന്നത്. പുരുഷന്മാരിലെ ദീർഘകാല പഠനങ്ങളും ഇതേ കാര്യം സൂചിപ്പിക്കുന്നു.
2. മധുരപാനീയങ്ങൾ
സോഡ, മധുരം ചേർത്ത ജ്യൂസ്, എനർജി ഡ്രിങ്ക് എന്നിവയിൽ ഉള്ള അമിതപഞ്ചസാരയും കൃത്രിമ ചേർക്കലുകളും ഗട്ട് മൈക്രോബയോമിനെ തകിടം മറിച്ച് കാൻസർ സാധ്യത ഉയർത്തുന്നു.
3. പാക്കേജുചെയ്ത ബേക്കറി ഉൽപ്പന്നങ്ങൾകേക്ക്, കുക്കീസ്, ബണ്ണ്, ബ്രെഡ് എന്നിവയില് ഉപയോഗിക്കുന്ന എമൽസിഫയർ, പ്രിസർവേറ്റീവ്, റിഫൈൻഡ് സ്റ്റാർച്ച് എന്നിവ കുടലില് വീക്കം സൃഷ്ടിച്ച് ദീർഘകാലത്ത് കാൻസറിന് ഇടവരുത്താം.
4. പഞ്ചസാര കൂടുതലുള്ള ബ്രേക്ക്ഫാസ്റ്റ് ധാന്യങ്ങൾപ്രഭാതഭക്ഷണത്തിന് ഉപയോഗിക്കുന്ന റെഡി-ടു-ഈറ്റ് സീരിയലുകൾ ഉയർന്ന ഗ്ലൈസെമിക് ലോഡ് സൃഷ്ടിച്ച് ഇൻസുലിൻ പ്രതിരോധം വർധിപ്പിക്കും. ഇത് കാൻസർ സാധ്യത കൂട്ടും.
5. ഇൻസ്റ്റന്റ് നൂഡിൽസുകളും പൗച്ച് സൂപ്പുകളും
ഇൻസ്റ്റന്റ് നൂഡിൽസുകളിൽ ഉള്ള ഹൈഡ്രജനേറ്റഡ് ഓയിൽ, രാസപരമായി രൂപാന്തരപ്പെടുത്തിയ കാർബോഹൈഡ്രേറ്റുകൾ, രുചിവർധകങ്ങൾ എന്നിവ കുടലിലെ മൈക്രോബയോട്ടയെ തകർത്തു കാൻസർ സാധ്യത വർധിപ്പിക്കുന്നു.
6. തണുത്തുറച്ച റെഡി-ടു-ഈറ്റ് ഭക്ഷണങ്ങൾ
പിസ്സ, ബർഗർ, റെഡി മീൽസ് എന്നിവയിൽ ആരോഗ്യകരമല്ലാത്ത കൊഴുപ്പും, ഉപ്പും, കൃത്രിമ ചേർക്കലുകളും അടങ്ങിയിട്ടുള്ളതായി ഒരു ബി.എം.ജെ പഠനം വ്യക്തമാക്കുന്നു. സ്ത്രീകളിൽ വൻകുടല് കാൻസർ സാധ്യത വർധിപ്പിക്കുന്ന വിഭാഗത്തിലാണ് ഇവ.
7. വറുത്ത ഫാസ്റ്റ് ഫുഡുകൾഫ്രൈസ്, ബർഗർ, ഫ്രൈഡ് ചിക്കൻ തുടങ്ങിയവയിൽ ട്രാൻസ് ഫാറ്റ് അടങ്ങിയതിനാൽ ദീർഘകാലം ഇവ കഴിക്കുന്നത് വീക്കം സൃഷ്ടിച്ച് കാൻസർ സാധ്യത ഉയർത്തും.
ആരോഗ്യം തിരികെപ്പിടിക്കാം
അള്ട്രാ-പ്രോസസ്ഡ് ഭക്ഷണം പൂർണ്ണമായി ഒഴിവാക്കാനാകാത്ത സാഹചര്യത്തിൽ പോലും, അവയുടെ ഉപയോഗം ഗണ്യമായി കുറയ്ക്കുന്നത് ആരോഗ്യത്തിനും ദീർഘായുസിനും സഹായകരമാണ്.പകരം പഴം, പച്ചക്കറി, മുഴുവൻ ധാന്യം, പയർവർഗ്ഗം, പുതിയ മാംസം എന്നിവ ഉൾപ്പെടുന്ന സമതുലിത ഭക്ഷണക്രമം പിന്തുടരുന്നത് വൻകുടല് കാൻസർ സാധ്യത കുറയ്ക്കും.