തിരുവനന്തപുരം:നെയ്യാറ്റിൻകരയില് ഗ്യാസില് നിന്ന് തീപടർന്ന് വീട്ടമ്മയ്ക്ക് ദാരുണാന്ത്യം. മുട്ടക്കാട് സ്വദേശി സുനിതകുമാരിയാണ് മരിച്ചത്.രാവിലെ അടുക്കളയില് ചായ ഇടുന്നതിനിടെയായിരുന്നു അപകടം. അപകടകാരണം ഗ്യാസ് ലീക്കായതാണെന്നാണ് പ്രാഥമിക നിഗമനം. അപകടത്തിന് പിന്നാലെ സുനിതയെ ആശുപത്രിയില് എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല.വീടിന് സമീപം ബേക്കറി നടത്തിവരുകയായിരുന്നു ഇവർ. വീട്ടില് മക്കളും സുനിതയും മാത്രമാണ് താമസിച്ചിരുന്നത്. മകള് രാവിലെ ടെക്നോപാക്കില് ജോലിക്ക് പോയിരുന്നു. സംഭവസമയം മകൻ അഖില് വീട്ടില് ഉണ്ടായിരുന്നു. സുനിതയുടെ നിലവിളികേട്ട് ഓടിയെത്തിയ മകനും സമീപവാസികളും ചേർന്ന് നെയ്യാറ്റിൻകര ആശുപത്രിയിലും തുടർന്ന് മെഡിക്കല് കോളേജ് ആശുപത്രിയിലും കൊണ്ടുപോയെങ്കിലും ജീവൻ രക്ഷിക്കാൻ കഴിഞ്ഞില്ല.
Advertisements